لە پایتەختی فینلاند سەبارەت بە گۆشەگیری سەر ڕێبەری گەلی کورد عەبدوڵا ئۆجالان و هێرشەکانی سەر گەلی کورد پانێل بەڕێوەچوو. لە پانێڵەکان کە لەلایەن کتێبخانەی ڕۆزبودی تۆڕی پشتیوانی کوردستان لە هێلسنکی و کۆمەڵەی خاچی ڕەشی ئەنارشیست لە تورکو بەڕێوە چوو، ڕاگەیاندرا کە گۆشەگیریی ئیمرالی قبوڵکراو نییە.

لە شاری هێلسنکی لە سەر ناوی ڕێکخراوی پارێزەرانی ئۆهەدە و ماف-داد ڕەنگین ئەرگوڵ سەبارەت بە پێگەی یاسایی ڕێبەری گەلی کورد عەبدوڵا ئۆجالان و دۆخی گۆشەگیری زانیارییان ڕاگەیاند. هەروەها مارتی ئۆدەنا لە ئەکادیمیای مۆدێرنیتە دیموکراتیک ڕایگەیاند کە بارودۆخی ڕێبەری گەلی کورد عەبدوڵا ئۆجالان جیاوازی نییە لەگەڵ بارودۆخی گشتی گەلی کورد و تاوانە هاوبەشەکانی هێزە نێودەوڵەتییەکان.

هەروەها نوێنەرانی ڕێکخستنە چەپەکانی فینلەندیش بەشدارییان لە وتووێژ لە گەڵ عەبدوڵا ئۆجالان دا کرد.