بزووتنه‌وه‌ی ڕه‌نجی به‌ریتانیا هه‌موو ساڵێك فێستیڤاڵی شه‌هیدانی تۆلپه‌دل ساز ده‌كات. له‌ فێستیڤاڵه‌كه‌دا پانێڵ، كۆنسێرت، پیشانگه‌ و ڕێپێوان به‌ڕێوه‌ده‌چن. بڕیاره‌ ئه‌مساڵ فێستیڤاڵه‌كه‌ به‌فه‌رمی داوای ئازادیی ڕێبه‌ری گه‌لی كورد عه‌بدوڵا ئۆجالان بكات.

ئه‌نجومه‌نی گه‌لی كورد له‌ له‌نده‌ن و ئه‌نجومه‌نی گه‌لی كورد له‌ به‌ریتانیا بۆ به‌شداریكردن له‌ فێستیڤاڵه‌كه‌ بانگه‌وازێكی هاوبه‌شیان بڵاوكرده‌وه‌. تیایدا هاتووه‌:

كه‌مپینی «ئازادی بۆ ئۆجالان» كه‌ له‌لایه‌ن سه‌ندیكاكانی به‌ریتانیا به‌ڕێوه‌ده‌برێت، ڕۆژ به‌ ڕۆژ گه‌وره‌تر ده‌بێت. ئه‌م سه‌ندیكایانه‌ كه‌ نوێنه‌رایه‌تیی ٦ ملیۆن كه‌س ده‌كه‌ن، بۆ گه‌یاندنی فكر و ڕامانی ڕێبه‌ری گه‌لی كورد عه‌بدوڵا ئۆجالان به‌ گه‌ل، زۆر گرنگه‌.

له‌م فێستیڤاڵه‌دا داوای ئازادیی ئۆجالان ده‌كرێت. گه‌لی كوردیش له‌و ڕۆژه‌دا له‌وێ ئاماده‌ ده‌بێت و ئاماده‌كارییه‌كانی ئێمه‌ش بۆ ئه‌و مه‌به‌سته‌ به‌رده‌وامن. بانگی گه‌لی وه‌ڵاتپارێزی خۆمان ده‌كه‌ین به‌ جۆشوخرۆشه‌وه‌ به‌شداری بكه‌ن.

 ڕێكه‌وت: ٢١ی ته‌مووز\یه‌كشه‌ممه‌

كاتژمێر: ٩:٠٠

شوێن: Topuddle Martyrs Museum

Dorchester road, Tolpuddle Dorset

DT2 7EH

s.m