چنی نزیکبیەیۆ ساڵوەگەڕو پیلانگێڵنی مېیاننەتەوەیی ١٥و شوباتی، هەڵمەتە پەی ئازاڎیی ڕابەر ئاپۆی دەسشپنەکریان و ڕۆ دماو ڕۆی ۋەرفراونتەر بۆ. چا چوارچێوەنە جە ئەڵمانیاوە ١١٥ کەسۍ کە جە ئەکادیمی، نوویسەر، وێنەکێش و پارێزنەرا پێکئامێنۍ، جە چوارچێوەو هەڵمەتۊو "ئازاڎیی پەی ڕابەر ئاپۆی، چارەسەری پەی پرسو کوردی"نە نامېوە هامبەششا  پەی سکرتێرو کۆمیتەو وەزیرا کۆنسەو ئۊروپای، خافیر بیتیلی  کیاست.

جە نامەکەنە سەرنج وزیان سەرو قەرارەکا دادگاو مافەکا مرۆڤو ئۆرووپای – DMME و کۆمیتەو وەزیرا پېوەس بە بەکارئاوردەی مافو هیوای و داواو جابەجێ کەردەی 'مافو هیوای پەی ڕابەر ئاپۆی کریان.

هەر جە نامەکەنە جەخت سەرو پەنەوازی ئازادی جەسەیی ڕابەر ئاپۆی کریانۆ پەی بەرقەراربیەی پرۆسەو چارەسەری و وچیان: "پەنەوازا ئیتر کۆمیتەو وەزیرا ئۊرووپای پېوەس بە ئازاڎکەردەی ڕابەر ئاپۆی هەنگامەی ڕۊشنەی دیبلۆماسی و سیاسیە بنیۆ."