فیستیڤاڵەکە بە دروشموو "بە ژەنی ژیوای ئازادی دەستکەوتەکا ژەنا پارێزنە" ئەنجام دریۆنە. فیستیڤاڵەکە کریۆنە دیاری پەی ژەنا گەشمەرڏێ کۆشسکارێ ٥٢ ساڵەو نەتەوەیی.

فێستیڤاڵەکە بە بەشداری ژەنا کوردی جە ئەڵمانیا، بەلجیکیا و هۆڵندا ئەنجام دریۆنە. جە هەمانکاتەنە چنین ڕێکوزیا و ژەنا، هونەرمەند و دەسوەڵێ وستەی مەدەنییەکێ جە فیستیڤاڵەکەنە بەشدارێ بانە.

بەرەو شۆڕشو ژەنێ...

ئەرەیاوناکە و یەژەکە-سەدا ئاماژە پانەی کریان فێستیڤاڵەکەو ئێساڵی بە ڕۆحو بانگەوازەکەو ڕابەر ئاپۆی پەی ئاشتی و گلێرگە و دیموکراتیکی ئەنجام دریۆنە و وچیا: "ئێساڵ بە شێوێ جیاواز، مانادار و گرنگ  پێشوازی جە فێستیڤاڵەکەی مکەرمێ. پێسە و ژەنا مزانمێ مشۆم جە وێماوە دەس پنە بکەرمێ، فارییای وەش بکەرمێ و سەرمەشقایەتی گلێرگەی بکەرمێ."

هونەر، ئەوەکۆشای و پەشتیووانی ژەنا

جە فێستیڤاڵەکەنە هونەرمەندێ؛ چۆپی، بەرفین محەمەدۆڤ، باران بۆزیەل، بنەوش جزیرە، سۆسەن، نوارین، ئۆزگور ئیشک و زینێ بۆتان ئامادێ بانە و هونەرەکاشا پێشکەش مکەرا. هەر ئەپاسە سەر و مێزێوە ڕەنج و هەرمانەکا ژەنا نیشانە مرەیمێ و چنی ئانەیچ بەرهەمەکا ڕێکوزیاکا ژەنا و هونەری جۆراوجۆر نیشانە دریۆنە.

بانگەوازو بەشداربییەی

جە دماینو  ئەرەیاوناکەینە یەژەکە-ئە بانگەوازش جە گرڏ و ژەنا ئەڵمانیای، بەلجیکای کەرد، کە جە ٢١و حوزەیرانی بە جل و بەرگی نەتەوەیی و دڵ وەشیۆ بەشداری فیستیڤاڵەکەی بانە.