برازاو ڕابەر ئاپۆی و پەرلەمانتارو پارتو یەکسانیی و دیموکراسیی گەلا (دەم پارتی)، عومەر ئۆجالان جە پەلېیانەو تایبەتی ۋێشەنە جە دیجیتاڵ میدیانە زانیاری تازەش دەربارەو دیدارو بنەیانەکا جە جەژنۊو قوربانینە، ئاشکرا کەرد.

عومەر ئۆجالان واتش: "جە میانو چەمپنەکۊتەکەیمانە جە جەژنەو قوربانینە، ئېژا عەبدوڵا ئۆجالان سڵامو ۋێش پەی زانشتگەو کۆبانێ کیاست و پیرۆزبایش جە کارمەندا، ڕەنجدەرا، خۊنکارا و ئەکادیمیسیا زانشتگەکەی کەرڎ.

هەرپاسە ماچۆ: "ئېژا ئۆجالان ئەرزش و گرنگیێوە فرەش دا بە کۊششو زانشتگەکا ۋەرنیشتی، زانشتگەش بە بناغە و هێلانۍ بنیاڎنیای ئایدۆلۆژیاو ئازادی و یەکسانی و دیموکراسی هۊرسەنگنا، دژو مۆدێرنیتەی سەرمایەداری و واوەی بیەیۆ بیرۆکراتی و ئەکادیمی؛ ئەرکێوە تازە و مۆدێرنو ئازادی ویرکەردەیۆ و ئاردەینەی فیکریش وست ئەستۆو زانشتگەی".

جە دمادماینە ماچۆ: "ئېژا ئۆجالان پېوەس بە زاراوە، چەمک و نزیکایەتی پارادایمی و دیدگای تازەی، بە بیەو زانشتگەو کۆبانێ دڵوەش و سەربەرز بۍ، هیواو سەرکۊتەیش پەی زانشتگەی و خۊنکارەکاش واست".