ڕاپیماییکەرا ڕاپیمای درێژی جە شونینە چنی کوردەسانیا ڕاپیمایشا کەرڎ، بانگەوازشا کەرڎ پەی ڕاپیمای و گلېرۊبیەی گۊرەو ستراسبۆرگی، واتشا: "بەیدۍ پېوەرە ١٥ و شوباتی فاڕمۍ پەی ڕۊو ئازاڎیی".
ڕاپیمای درێژ کە ٢١ و کانوونو دووەمی جە شارو لۆرێنتی فەرەنسای جە چوارچێوەو هەڵمەتەو "ئازاڎیی پەی ڕابەر ئاپۆی، چارەسەری پەی پرسو کوردی" دەسش پنە کەرڎ، جە ڕۊو ١٩ ەمینە جە شارو شونی فەرەنساینە بەردەواما.
ڕاپیماکەی ۋەردەمو شارەوانی شونینە بە بەشداری کوردەسانیا بە شەوقو زەوقێوە گۆرۆ بەردەوام بی.
لافیتەو "ئازاڎیی پەی ڕابەر ئاپۆی" هۊرگیریا و درووشمەکۍ "بژیۋۆ سەرۆک ئاپۆ" و "بێ سەرۆکی ژیۋای نمەبۆ" و "بژیۋۆ مڎرامانوو گەریلا"ی و "بژیۋۆ مڎرامانوو تشرینی" بەرزۍ کریێوە.
چالاکا تەئکیدشا کەرڎۆ، چالاکییەکە تا ١٥ و شوباتی بەردەوام بۆنە و بانگەوازشا کەرد پەی بەشداربیەی جە ڕاپیمای و گلېرۊبیەی گۊرەو ستراسبۆرگی. داواشا جە کوردەسانیا کەرڎ، "بەیدۍ پېوەرە جە ستراسبۆرگەنە ١٥ و شوباتی فاڕمۍ پەی ڕۆو ئازاڎیی".
ڕۆو ویسەمو چالاکییەکەی جە شارو ڕانسی فەرەنساینە بەردەوام بۆنە.
