ڕاپیمای ئامارای: موستەفا داغ سەرو قەبرەکێشۆ یاڏکریاوە
جە ڕۆو یەرەمو ڕاپیماو ئاماراینە کە ئەنجوومەنو جوانا دەم پارتی جە ١ و نیسانی جە ئامەدەنە دەسشا پنە کەرد، موستەفا داغ سەرو قەبرەکێش یاڏکریاوە کە ساڵو ٢٠٠٩ گەشمەرڏە لریا.
ڕاپیماکەی بە درووشموو "بە گلێرگەو دیموکراتیکی بەرەو ئازادی هەنگامە منییەیمێ" جە ناوچەو پیرسوسو ڕحای بەردەواما.
چالاکوانێ کە بەبۆنۆ ٧٦ هەمین ڕۆوبییەو ڕابەر ئاپۆیۆ ڕاپیمای مکەرا، موستەفا داغیشا سەرو قەبرەکێشۆ یاڏکەردۆ کە ٤ و نیسانو ٢٠٠٩ جە "ڕاپیماو گەشتس بەرەو وەری" چنی مەعسوم کارائۆغلانی گەشمەرڏێ بیێ.
جوانێ جە دەگاو قەروکێ گوڵێشا سەرو قەبرەو داغی نیارە.
ئەندامو کۆردیناسیۆنو ژەنا سەر بە جوانا دەم پارتی ئەلیف چۆبان ئەرەیاوناش درێژە بە ئەوەکۆشای موستەفا داغی مڏانە.
تاتەو موستەفا داغی، ساڵەح داغ واتش: "کاتێ ڕاپیماکەرێ ئامارای جە ئامەد و ڕحاوە ئامێ، موستەفا یەکسەر بەشداریش کەرد. کاتێ گەرەکما بێ ڕاگیریش ونە بکەرمێ، واتش "من جە گەشمەرڏا تەرێ کوردەسانی زیاتەر نییەنا". یادەکە بە درووشموو "گەشمەرڏە مەمڏۆ" دمایش ئاما.
دماتەر جوانێ جە ڕێکوزتەو ناوچەو پیرسوسو دەم پارتی گلێرێ بیێوە و نامەشا پەی ڕابەر ئاپۆی گیانا.
چالاکی جوانا بە ڕاپیمای بەرەو ناوەندو کلتووری ئامارا بەردەواما. جوانێ دماتەر بەرەو ئامارا کەوتێ ڕا.
