ئەنجومەنو ڕاوەبەری وێسەری شەنگالی جە ونەدوایێ ڕۆچنامەگەریەنە ئامار و شناسنامێ شەهیدێ و بریندارەکێ بۆردومانەکەو هیزی ٣ شەممەو نەوەشخانە (چارەسەرگە)و دەگاو سکینێی سەر بە شەنگال-یش ئاشکرێ کەردێ.
ئەنجومەنەکە ئاشکراش کەرد: جە هێرشە وەحشیانەکەو هیزی یەرە شەممەیەنە کە باڵەپڕەکێ ڕژێمو تورکیای نەوەشخانەکەشان کەردەن ئامانج  ٨ شەهیدێ و ٤ بریندارێش وەکەوتێنێوە کە ٤ جە شەهیدەکان شەڕڤانێ یەکینەکانو بەرخۆدان (مدرامان)و شەنگال-(یەبەشە)یەنی و ٤ی تەریچشان هەرمانبەرێ نەوەشخانەکەی بیێنێ.

ئەنجومەنو ڕاوەبەری وێسەری شەنگالی شناسنامێ ٨ شەهیدەکەیش بە ئی جۆرە ئاشکرێ کەردێن:

-حەمید سەعدوون ئەشناسیا بە (قیران سیبا)، شەڕڤانو (یەبەشە)ی

خدر شەریف ئەشناسیا بە (پیر خدر)، شەڕڤانو (یەبەشە)ی

-ڕامی ئەلسەلیم ئەشناسیا بە (ڕۆنی)، شەڕڤانو (یەبەشە)ی جە عەرەبەکانو (بەعاجە)یەن

مەیتەم خدر خەلەف ئەشناسیا بە (سەرحەد زەمار)، شەڕڤانو (یەبەشە)ی و عەرەبەن

-عەلی ڕەشۆ خدر- هەرمانبەرو تەندروستیی

-سەیدۆ ئلیاس، هەرمانبەرو تەندروستیی

-حەجی خدر، هەرمانبەرو

-موخلیسە سیدار، پزیشکە و هەرمانبەرەو تەندروستی
نامبریێ خەڵکو شەرنیشتو کوردستاییەنە و جە ٢٠١٤وە جە شرنەخ-وە شیێنە شەنگال و وێبەخشانە هەرمانێ پزشکی و تەندروستیتش کەردێنە.

ئەنجومەنەکە نامێ ٤ بریندارەکەیش بە ئی جۆرە وەڵاوێ کەردێنێوە:

’حەسەن، عەڤدی، سەمیر و ماجید’، سەرجەمشان هەرمانبەرێ  تەندروستیی بیێنێ.