بە قسێ وەزارەتی، ئیمراڵیینە گۆشەگیری نییا!
ڕاوەبەرایەتیی گردینو زیندانەکا جوابو داواکاریێوەش دەربارەو گۆشەگیری داوە، بانگەشەو ئانەیە مکەرۆ، ڕابەرو گەلو کوردی عەبدوڵا ئۆجالان، کە ٣٨ مانگێن زانیارییش بارەوە نییا، مافەکاو وێش بەکار مارۆ.
پەرلەمانتاراو پارتو یەکسانی و دیموکراسیی گەلا (دەم پارتی) پەی ورگێرتەی گۆشەگیریی سەرو ڕابەرو گەلو کوردی عەبدوڵا ئۆجالانی و دیدار چەنی بنەیانەکەیش و پارێزنەراش، ٧ و کانوونو یوەمو ٢٠٢٣ سەرێو سەرۆکایەتیی کۆمیسیۆنو ئەوەکۆڵیای مافەکاو ئینسانو پەرلەمانیشا دا.
سەردایەکەنە ئاماژە کریان ڕا نمەریۆ ڕابەرو گەلو کوردی عەبدوڵا ئۆجالان، حامیلی یەڵدرم، عومەر خەیری کۆنار، وەیسی ئاکتاش زیندانو ئیمراڵیینە ڕاو تەلەفۆنی و فاکسی و نامەیوە پەیوەندیی بە بەریوە بکەرا، ڕا نمەدریۆ چەنی بنەیانە و پارێزنەرا کوێ باوە، پەیوەندییشا بە بەریوە ناستێنێ.
ئەرەیاونیانیچ ٢٧ تەمووزو ٢٠١١ تا ئیساتێ و بەینو ئایار-ئابو ٢٠١٩ پارێزنەرێ ٥ جارێ دیدارشا کەردەن، دماین دیدار ٧ و ئابو ٢٠١٩ بییەن، ساڵەو ٢٠١٤ تا ئیساتێ بنەیانەکی تەنیا ٥ دیدارێ ڕووبەڕوێشا کەردێنێ، دماینشا ٣ێ ئادارو ٢٠٢٠ بیەن، جە ٢٤ ساڵێنە تەنیا ٢ جارێ (٢٧ نیسانو ٢٠٢٠ و ٢٥ ئادارو ٢٠٢١) پەیوەندیی تەلەفۆنیی کریان.
هەرپاسە پەیوەندیی تەلەفۆنیی ڕابەرو گەلو کوردی عەبدوڵا ئۆجالانی ٢٥ ی ئادارو ٢٠٢١ یوە چەنی براکەیش پڕچیان و هیچ زانیاریێوە بارەشەوە نییا، دماین دیدارەو تا ئاخرو ساڵەو ٢٠٢٢ بەگردیوە ٢٣٨ داواکارێ پارێزنەرا و ٧٩ داواکاریێ بنەیانەکا بێجواب مەنێنێوە.
پەرلەمانتارێ داواشا کەردە سەرێئیمراڵی بدریۆ و بنەیانە و پارێزنەرێ و شاندێوی سیاسیی دیدار بکەرا.
ڕاوەبەرایەتیی گردین زیندانەکاو سەر بە وەزارەتو دادی جوابو داواکارییەکەیشا داوە، سەرەڕاو گۆشەگیریی تندی، ڕاوەبەرایەتییەکە بانگەشە مکەرۆ کە "زیندانییاو ئیمراڵی تەماموو مافە یاساییەکاشا بە یەکسانی بەکارمارانێ".
ڕاوەبەرایەتییەکە بانگەشە مکەرۆ ئیمراڵیینە گۆشەگیری نییا، دیدارو زیندانییا چەنی پارێزنەر و قەومەکاشا قۆرتاوی مکریۆ، بەشدارێ مبانێ جە چالاکییەکانە پێسەو وەرزش و... هتد، هەرپاسە داواکارییەکێشا بە "بێبنەما" ئشناسێنێ.
ڕاوەبەرایەتییەکە ئاماژەش پانەیە کەرد، لوجنەو کارگێڵنی و شۆنیرەلوای ساڵەو 2023 پەی ماوەو 6 مانگا کۆبییەیۆ ڕووبەڕوو ڕابەرو گەلو کوردی عەبدوڵا ئۆجالانی و زیندانیای تەریش چەنی بنەیانەی و پارێزنەرا قەدەغە کەردەن. ڕاوەبەرایەتییەکە بانگەشەو ئانەیشە کەردەن، کە هیچ تانێوی چی قەرارییە نەبیێنە.
پارێزنەراو نویسگەی یاسایی سەدەی وەڵتەر چندین جارێ واتەنشا، کە قەرارەکاو ئا ئەو ڕاوەبەرایەتییە سەبارەت پادیشا .
