جەپاوە ئەندامێ گروپو کەشەوانانو ئەنجومەنو ژیوای و یانەو شاخەوانانو پاوەی بە سەرکەوتەی پەی لوتکەو "حەوزی خانی" یادشان جە شەهیدانو سەوزو ژیوای و ژیوگەی (موختار خەندانی، یاسین کەریمی، بیلا ئەمینی) کەردەوە.
ئەندامێ گروپو کەشەوانانو ئەنجومەنو ژیوای و یانەو شاخەوانانو پاوەی پەی یادکەردەی و بەرزگێرتەی یادو شەهیدانو سەوزو ژیوای (موختار خەندانی، یاسین کەریمی، بیلا ئەمینی) گەشتێوی کەسەوانیشان پەی لووتکەو "حەوزی خانی" ئەنجامدا و ئەندامێ هەردوێ ڕێکوزیاکەی تاواشان سەربگنانێ سەرو لوتکەکەی.
هاموەخت ئەندامێ گروپو کەشەوانانو ئەنجومەنو ژیوای و یانەو شاخەوانانو پاوەی ئا زبڵە کە جە لایەنو هام وڵاتییە نابەرپرسەکاوە دلێ ژیوگەیەنە فڕێ دریێ بێنێ جەمێشان کەردێوەو ژیوگە وەشەکەو هەورامانیشان چنە پاکێ کەردێوە،
ئەنامێ هەر دوە ڕێکوزیاکەی داواشان جە هاموڵاتیان کەرد، تا جە وەختو گەشتوگێڵیەنە ژیوگەی پیس نەکەرانێ و نەشێونانێ و ئەوامەنەکانش فڕە نەڎانێ و چەنی وێشان ببەرانێشاوە.
یاگێ یادئاوەرییەن، کە جە ساڵەو ٢٠٢٠یەنە، هەر یەرە چالاکوانێ و ژیوگەپارێزێ هەورامانی موختار خەندانی خەڵکو شارچەو نوسوڎێ، یاسین کەریمی خەڵکو دەگاو شمشێری و بیلال ئەمینی ئێناخی ئەرەنیشتەو پاوەی جە ساتەوەختو ئەوەکوشنای ئێرو دارستانەکانو بوزینی و مەڕەخێڵ-ی گیانشان بەخشا و تەرمەکێشان بریوە پاوە شار و بە مەراسیمی جەماوەری شکۆمەند پێشوازیشان ونە کریا و سەرهۆرداۍئاسای و بە واتەی دروشمێ چوون ”شەهید نمرۆنە، تۆڵەتان بکەرمێوە“ تەرمەکێشان ڕەوانێ زادگایشان کریوە و شکۆمەندانە ئەسپەردێ کریێ.
