بافڵ تاڵەبانی سەرۆكو یۊبیەی نیشتیمانی کوردەسانی (یەنەكە) جەبارەو ڕێكکۊتەی بەینو مەزڵوم عەبدی فەرماندەو گرڎیی هێزەكاو سووریای دیموكرات -قەسەدەی و ئەحمەد شەرع سەرۆكو حكومەتی کاتی سووریای پەیامێوەش وەڵا کەرڎۆ.

جە پەیامەکەشەنە سەرۆكو یەنەكەی ئەرەیاۋناش، بە گەرمی پێشوازیی جە ڕێککۊتەی بەینو ئێژایا مەزڵوم عەبدی و ئەحمەد شەرعی مکەرو. ئینە هەنگامێوە گرنگە و ئەرێنییەنە بە ئاڕاسەو بەهێزکەردەی پێوەرەژیۋای و هەرمانۍ هامبەشۍ جە سووریای تازەنە. ئینە هەرمانە دروسەکێنە، کە سەقامگیری سیاسی و ئەمنی شۊنەو ۋێشەرە مارۆ و ئێمە جە سەرەتاوە داواما کەرڎ و هەرمانەما پەی کەرڎ.

سەرۆکو یەنەکەی ئاماژەش بە گرنگی و سەنگەو ڕیککەوتنماکەی کەرڎەن پەی دڎاننیای بە پێکئامای نەتەوەیی کوردیرە جە سووریانە و ماچۆ: "ئی هەنگامۍ، کە مافو گەلەکەیما جە ۋەرنیشت و تەمامو پێکئامایەکا پارێزنۆ، هیواڎارێنمۍ سەرەتێوە تازە بۆ پەی بنیاڎنیای وڵاتێوە دیموکراتی، کە دەستوور بنەماو هەرمانکەردەی و هامبەشیی بۆ."

جە دما دمایی پەیامەکەیشەنە پەشتیوانی ۋێش پەی هەنگامەکۍ بەربڕیەن و ماچۆ: "پېسە هەمیشەی پاڵپەشت و پەشتیوانی کۊششەکا مەزڵوم عەبدی مکەرو پەی بەرقەرارکەردەی ئاشتی و سەقامگیری جە ناوچەکەنە."

یاگۍ ئاماژەیەنە، شەوەی ۋېیەردۍ سەرۆکایەتیی سووریای ئەرەیاۋناش؛ ڕێککۊتەیۍ هەشت خاڵی جە ما بەینو مەزڵوم عەبدی فه‌رمانده‌و گرڎیی قەسەدەی و ئەحمەد شەرع سه‌رۆكو کاتی سووریاینە ئیمزا کریان، به‌پاو یۆ جە خاڵه‌كایچ پەی چیولای قەسەدە بەشێوە بۆ جە ئەرەمەرزیاو وەرگیریی کۆمارو سووریای.