یووە جە فەرماندەکاو یەپەژەی شیلان شۆڕشە سەرنجش وست سەرو بەردەوامیی جەنگی، بەتایبەت سەرو سردەو قەرەقۆزاقی، واتش: "هەرچێوۍ ڕووە بڎۆ، پېسە جەنگەوانا یەپەژەی بە هەڵوێسی شۆڕشگڵنیی ۋێما نمازمۍ خاکەکەما ئەرەگیر بکریۆ."
دۊڵەتو ئەرەگیرو تورکی و چەتەکێش جە کانوونو یووەم و ٢٠٢٤یوە هرووژمەکېشا پەی سەرو بەنداوو تشرینی و سردەو قەرەقۆزاقی بەردەوامێنۍ. جەنگەوانا یەپەژەی و یەپەگەی و قەسەدە بە ڕۆحێوە فیداکارییانە و پرۆفێشناڵیی سەروازییوە مڎرامان مکەرا و هرووژمە ئەرەگیریەکا پووچۍ مکەراوە. فەرماندێوە یەپەژەی شیلان شۆڕشە دەربارەو هرووژمەکا و مڎرامانی پەی ئاژانسوو هەواڵوو فوراتی (ANF)ی قسێش کەردۍ.
شیلان شۆڕشە سەرنجش وست سەرو بەردەوامیی جەنگی بەتایبەت سەرو سردەو قەرەقۆزاقی، واتش: "ئیساتۍ دۊڵەت بە گرڎ جۊرۍ هرووژم و بۊمبواران مکەرۆ. گەرەکشا سردەو قەرەقۆزاقی گێرۆ. بەڵام حەرچێوۍ ڕووە بڎۆ، پېسە جەنگەوانا یەپەژەی بە هەڵوێسی شۆڕشگێڵنیی ۋێما نمازمۍ خاکەکەما ئەرەگیر بکریۆ. تا ئیساتۍ بە هێزو جەنگەوانا و گەلەکەیما بە پێوە مردێنمۍ. دۊڵەتو تورکی بە گرڎ جۊرۍ ۋێش تاقی مکەرۆوە. بەڵام ئێمە ڕا نمەڎەیمۍ پایۍ بنیۆ دلۍ خاکەکەیما."
شیلان شۆڕشە ئەرەیاۋناش هێز و مۆڕاڵشا بەرزا، واتش: "جە سەیەو ئی مۆڕاڵەینە متاومۍ پېسە هەڵوێسێوە فەلسەفەو ڕابەرایەتی ۋەرا ۋەر بە دژمنی مردمۍ و هێز و تەکنیکو دژمنی ماڕمۍ. بەتایبەت چی دماییەنە ڕۆحو گەلی شۆڕشگێڵنیما دی. نمەتاومۍ دەربارە بە گەلەکەیمان حیچ واچمۍ. چونکی ئانەی ئاستو مۆڕاڵو ئێمەش گۊرەکەردەن و هێزما پنە بەخشۆ، گەلەکەمانە."
هەرپاسە ئەرەیاۋناش جەنگ بەردەواما، تا هرووژمەکۍ بەردەوامۍ با درێژە بە جەنگی و مڎرامانی مڎا، واتش: "هێز و پەشتو پەناو ئێمە گەلەکەمانە. ئێمە سەیەو گەلەکەیمانە بەپێوە مردێنمۍ. ئەر تا دمایی پاسە بەردەوام بۆ، متاومۍ گرڎ یاگێنە سەرۍ گنمۍ."
