باقرخان: ئانێ شێخ سەعیدشا قەنارە دا، ئۆجالانی گۆشەگیر کەرا
هامسەرۆکی گردینوو دەم پارتی تونجەر باقرخان واتش سیاسەتوو ستەموو ١٠٠ ساڵەی نەتاوانش کوردی دلێنە بەرۆ و واتش: "ئانێ شێخ سەعیدشا دا قەنارە، گۆشەگیریی سەروو بەڕێز ئۆجالانیچ سەپنا".
هامسەرۆکی گردینوو دەم پارتی ئارۆ چوارچوەو ورچنیەی هەرێمیینە مەنتێقەو دەپ و قەرەیازی و خنوسی ئەرزەڕۆمینە بەشدارییش جەمۆبییەی گەلینە کەرد، باقرخان خنوسنە واتش: "پێسە چەنی سیاسەتوو ستەموو ١٠٠ ساڵەی نەتاواش دمایی بە کوردی بارۆ، دماڕۆیچەنە نمەتاوۆ دمایی بە کوردی بارۆ. ڕاوەبەراو وەڵاتی با خاس بزانا، پرسەو کوردی بە قەنارەدای چارەسەرە نەبییە و چارەسەرەیچ نمەبۆ، پەرسەو کوردی بە گێرتەی و سیاسەتوو ستەمی نمەتەمامیۆ. کورد هەزاران ساڵێن یۆن جە گەلە حەرە دێرینوو ئی خاکەیە و حەر پاسەیچ بەردەوام بۆ".
باقرخان واتش: "ئانێ شێخ سەعید ئەفەندییشا دا قەنارە، گۆشەگیریی سەروو بەڕێز ئۆجالانیچ سەپنا".
