تا مێ لایەنێ جیاجیێ ساختەکارییاو ئاکەپەی ورچنیەیە وێمانەکاو شارەکاو سەرنیشتو کوردستانینە زیاتەر ئاشکرێ با و بە پاو گێرتێوی، ژمارێو پسووڵێ ئامادەکریێ، کە بەرژەوەندیی ئاکەپەینە مۆرە کریێنێ، موینیا.
مەنتێقەو خەلفەتو سەر بە شارو ڕحاینە دەیان پسووڵێ دەنگدای وێزیێنێوە، کە وەڵێ ئانەینە بوزیا سندۆقۆ بەرژەوەندیی ئاکەپەینە مۆرە کریێنێ.
لایێوی تەرۆ، بەرکەوت کە وێستگەو ژمارە ١٠٤٢ مەکتەبو ئەتاتورکینە قەرسنە کۆو ١٢٠ دەنگدەرا، کە مافو دەنگداێشا چاگە هەن، تەنیا یۆشا خەڵکو قەرسین و ئەوێ تەرێ دەنگدەرێ ئامێنێ، کە لاو دەسەڵاتیوە تۆمارو دەنگدایشا فاڕیانۆ پەی شارەکەی.
ناڕەزایەتی خەڵکی وەراوەرو دەنگدەراوە کە ئاردێنێشا: شمە بێشکۆیێ و دزێندێ
یۆ چا شارا فرەترین ژمارەو دەنگدەرە ساختا و ئامایاش پەی فاڕیانۆ، شڕنەخا، ئینەیچ تا ئەنجامەکەی جە بەرژەوەندیی ئاکەپە-مەهەپەینە ماڕۆوە.
وەراوەرو ئا ساختەکارییەو دەسەڵاتینە خەڵک بنکەکاو دەنگداینە ناڕەزایەتیی تندشا بەروست و یۆ جە بنکەکانە ڕووەو دەنگدەرە ساختە و ئامایەکاو ئاکەپە-مەهەپەینە واتشا: "شمەشا پەی جارێوە ئاردێنێرە ئێگە. شەرم جە وێتا بکەردێ. قسێ بکەردێ تا بزانمێ کۆگەێندێ؟ شمە کۆیلێندێ، کۆیلێ بێشکویێ و دزێ".
