دەسەڵاتو دیمەشقی سەرچەتە ئەحمەد ئەلهایس (حاتەم ئەبو شەقرا)ش کەرڎ بە فەرماندارو فیرقەو ٨٦ی، کە ساڵۊو ٢٠١٩ ی سکرتێرەو گرڎی پارتو سوریای ئایندەی هەڤرین خەڵەفەش گەشمەرڎۍ کەردە. نامۍ ئەبو شەقرای ئینا دلۍ لیستو سزاکاو ئەمریکاینە.
وەزارەتو وەرگیری دیمەشقی، سەرچەتە ئەحمەد ئەلهایس (حاتەم ئەبو شەقرا)ش کەرڎ بە فەرماندارو فیرقەو ٨٦ی، کە ساڵۊو ٢٠١٩ سکرتێرەو گرڎینەو پارتو سوریای ئایندەی هەڤرین خەڵەفەش گەشمەرڎۍ کەردە و کۆمیسیۆنو مافەکا مرۆڤو نەتەوە یۊگێرتەکا پېسە "تاوانەو جەنگی" وەسفش کەرڎ. هەرپاسە قەرارو نیایرەو ئەبو شەقرای پېسە فەرماندارو فیرقەو ٨٦ ی تووڕەیێوە فرەش لاو کورداوە شۊنەو ۋێشەرە ئاورد.
سەرچەتە ئەحمەد ئیحسان فەیاز ئەلهایس سەر بە چەتەکاو "ئەحرار ئەلشەرقیە"ین، ۋەرپەرسا جە تاوانەو گەشمەرڎەکەردەی هەڤرین خەڵەفۍ و سایەقەکەیش فەرهاد ڕەمەزانی جە تشرینو یووەمو ٢٠١٩. ئی تاوانۍ جە ئاستی مېیاننەتەوەینە بەشێوۍ جەماوەریی شەرمەزار کریا.
وەزارەتو خەزێنەو ئەمریکای جە ساڵۊو ٢٠٢١ ینە بە مەڵامەتو پاشێلکارییەکا دژو مافەکا مرۆڤی و کوشتەی سەڎان کەسا مەدەنی چا زینانانە کە ئەبو شەقرا ۋەرپەرسش بۍ، سزاش سەرو ئەبو شەقرای و چن چەتێوە "ئەحرار ئەلشەرقیە"یرە سەپنا.
