خەسەخانەو مشتەنوری دماو ئانەی جە ساڵۊو ٢٠٢٣ێنە بی بە ئامانجو هرووژمە ئەرەگیریەکا دۊڵەتو تورکی، جە ماوۍ کەمەنە بنیاڎ نریاوە و بە کەردەیۆ چن بەشێوە تازەی ڕووەو خزمەتکەردەو گەلیرە کریاوە.
خەسەخانەو مشتەنوری جە کۆبانێنە ٢٥و کانوونو دووەمو ٢٠٢٣ێنە بی بە ئامانجو هرووژمېوە ئاسمانی دۊڵەتو تورکی ئەرەگیری و بە تەمامی جە خزمەتی بڕیارە، دماو ماوێوە کەمی جە هەمان یاگۍ وەڵینینە بنیاڎ نریاوە و بە کەردەیۆ چڼین بەشا تازەی دەسش بە خزمەتە تەندرووستییەکا گەلی کەردۆ.
خەسەخانەکە وەڵتەر بەشو نەوەشیەکا ژەنا، نەوەشیەکا هەناۋیی، زاوڵا، چارەسەرکەردەی نەوەشیەکۍ قەنی، نەوەشیەکۍ دەماری و پاڵپەشتی دەروونیش...چنە بێنۍ، بەڵام دماو بنیاڎنیایشۆ بەشەکۍ وشکنای گرڎیی، شۊرتەی وڵکایچ کریاوە.
جە مەراسیمو کەردەیۆ خەسەخانەکەینە دکتۆر بەسراوی عەلی قسێش کەردۍ و ئاماژەش پانەی دا بنیاڎنیایۆی و زیاڎکەردەی بەشە تازەکا خەسەخانەکەی یاگۍ فەخرین پەی گەلو هەرێمەکەی و واتش: "جە هەر یاگێنە بۆ جە خزمەتکەردەی گەلی بەردەوامۍ بیمۍ و کەردەیۆ خەسەخانەکەی پێشکەش بە گەلو کۆبانێ مکەرمۍ."
دماو قسەکاش، دکتۆر بەسراوی عەلی سوپاسنامەو دەسەو تەندرووستیش پێشکەش بە کارمەنداو تەندرووسی خەسەخانەکەی کەرد.
دماتەر جە لایەنو هامژینەو گەشمەرڎە عومەری و ئەڎاو گەشمەرڎە کوردەیۆ خەسەخانەکە کریاوە.
