ئەندامەو فەرماڼەیی ویلایەتوو گاباری بێریتان نورحەق چیا (سوڵتان داغ)ە کە جە ٢٣ ۍ حوزێرانوو ٢٠٢٤ ینە جە هەرێموو ماوای گاباری گەشمەرڎۍ بیە، حەرپاسە براکەش نورحەق چیا (خالید داغ) کە ١٤ و ئادارو ٢٠١١ جە شەرناخەنە گەشمەرڎەبی، شارو بۆن و ئەڵمانیاینە یاڎۍ کریێوە.

**

یاڎەکە جە لایەنوو ئەرەمەرزیاو بنەیانەو گەشمەرڎاوە (کۆماو)ی جە ناوەڼو گلېرگەو دیموکراتیکی کوردی (دەکتەم)ی جە شارو بۆنینە ڕێکوزیا و چڼین کوردۍ چنەشەنە بەشدارۍ بێنۍ.

دماو دەیەقێوە ڕێزگېرتەی جە گەشمەرڎا ئازاڎیی کورڎەسانی، بەنامۍ بنەیانەو گەشمەرڎاوە، ئەڎا ڕۆژینە قسېش کەردۍ و سڵامش ۋنەو مێمانەکا کەرد. ئاماژەش پانەیە کەرد کە هەردووە گەشمەرڎۍ دلۍ ڕیزەکاو گەریلاینە گەورۍ بیۍ، واتش: "سەرەوەشی جە سەرۆک ئاپۆی و گەلوو کورڎەسانی مکەرو".

دماتەر سیاسەتمەدارە نورسەل ئایدۆغانە، ئەڎاو ئاشتی ئاسیا ڕەشیدە و هونەرمەنڎ خەلیل خەمگین بەشدارۍ یاڎەکەی بێنۍ و قسېشا کەردە.

سینڤزیۆنێوە دەربارەو ژیۋای و ئەرەکۊشای گەشمەرڎە بێریتان نورحەق چیۍ و براکەیش نورحەق چیای نیشانە دریا. یاڎەکە بە درووشمەکا "گەشمەرڎۍ نمەمرا" و "بژیۋۆ سەرۆک ئاپۆ" و "بژیۋۆ مڎرامانوو گەریلای" و "ژەنی، ژیۋای، ئازاڎیی" دمایش ئاما.