نزیکەو ٣ ساڵان حیچ زانیاریێوە دەربارەو ڕابەروو گەلوو کوردی عەبدوڵا ئۆجالانی دەس مەگنۆ، براو ڕابەروو گەلوو کوردی عەبدوڵا ئۆجالان، محەمەد ئۆجالان و پارێزنەرەکەش مەزڵوم دینچ، بە مەبەسوو دیداری سەرێ سەرۆکایەتیی داواکار گردینوو کۆماروو بورسای و ڕاوەبەرایەتیی زیندانوو ئیمراڵیشا دا.

براو عومەر خەیری کۆناری، عەلی کۆنار، براو حامیلی یەڵدرم، پۆڵات یەڵدرم، واڵێ وەیسی ئاکتاشی، مەلیحە چەتینە، پەی کەسوکارەکەیشا، کە ئیمراڵیینە ئینێ چێروو گۆشەگیریێوە تندینە، سەرێ سەرۆکایەتیی داواکاری گردینوو کۆماری بورسای و ڕاوەبەرایەتیی زیندانوو ئیمراڵییشا دا.

پەیوەندیی ڕابەروو گەلوو کوردی عەبدوڵا ئۆجالان بە بەریوە، بە تەمامی بڕیان. جوابوو داواکاریی چەمپەنەکەوتەی مەدریۆوە، فرەو جارا دماو چندین مانگا، سزاو دیسپلینی پێسە بەهانێ بە پارێزنەرەکا ئەرەیاونیۆ.

بە پاو ڕاپۆرتەو نویسگەو  یاسایی سەدەی، کە ١٧ کانوونوو دووەمینە وەڵا کریاوە:  

-ساڵەو ٢٠١٤ تەنیا ٥ چەمپەنەکەوتەیێ چەنی بنەیانەکا کریان.  

-ئاخرچەمپەنەکەوتەی ڕووبەڕوو ٣ ئابوو ٢٠٢٠ چەنی براو وێش بییەن.  

- ڕۆو ئەوەڵیوە تەنیا ٢ جارێ (٢٧ نیسانوو ٢٠٢٠ و ٢٥ ئازاروو ٢٠٢١) جە ڕاو پەیوەندیی تەلەفونییوە قسێش کەردێنێ.

-ئاخر قسەکەردەیش بە تەلەفون جە ٢٥و ئازاروو ٢٠٢١ێنە بییەن و ماوێوە کەمنە بڕیان و چا وەختو حیچ زانیاریێوەش بارەوە نییا.