قەومۍ و پارێزنەراو "ئیبراهیم خەلیل یڵدز" پەرلەمانتاروو ئاکەپەی ڕوحانە، جە ١٤وو حوزەیرانوو ٢٠١٨ینە، جە مەنتێقەو پرسوسوو ڕوحاینە، هجوومشا کەرد سەروو بنەیانەو شەنیاشاری. هجوومەکەنە هامسەروو "ئەمینە شەنیاشار"ۍ و دوۍ کوڕێش کوشیۍ. "ئەمینە شەنیاشار"ە و کوڕەکەش "فەرید شەنیاشار" جە ٩و ئازاروو ٢٠٢١ینە وەرڎەموو باڵایانەو داڎگاو ڕوحاینە دەسشا بە چالاکیی ئێشکگێرتەی داڎپەروەری کەرد. چالاکییەکەو بنەیانەو شەنیاشاری ٧٣١ ڕوێن درێژەش هەن.

بنەیانەو "شەنیاشار"ی وەرڎەموو داڎگاو ڕوحاینە خێرامایشا جە مانگەو ڕەمەزانوو ئێساڵی کەرد. ئەداڎ "ئەمینە شەنیاشار"ەو  کوڕەکەش "فەرید شەنیاشار" تا وەختوو وەربانگی وەرڎەموو باڵایانەو داڎگاو ڕوحاینە چالاکییشا کەرد و بە ئامای وێرەگای وەربانگشا وەرڎەموو داڎگاینە کەرڎۊ.

س.ز