بە پاو ئا هۊرسەنگنایا ساڵانە سەبارەت بە هەڕەشەکا وەڵا مکریاوە، 'فشارەکۍ چینی پەی سەرو تایوانی و هەرپاسە هروژمە ئەلیکترۆنییە فراوانەکۍ دژو ئامانجەکا ئەمریکای، بە نیشانۍ هەڕەشۍ پەی سەرو ئاسایشو ئەمریکای دەسنیشانکریان.

جە بەڵگەکانە کە تولسی گابارد جە نووسینگەو ڕاوەبەری هەواڵگری نیشتمانی ئەمریکاینە وەڵاش کەردەنۆ، ئامان؛ چین بە شێوێوە فراوان و ئاشکرا هەڕەشۍ سەروازیا پەی سەرو ئاسایشو نەتەوەیی ئەمریکای.

تولسی گابارد ڕۆو یەرەشەممەی جە گلېرۊبیەیشەنە چنی ئەنجومەنو پیرانی ئەرەیاۋناش؛ بە پاو ئا زانیاریا ئینۍ ۋەردەسو ئەمریکاینە، چین بەهێزتەرین منافسی ستراتیجی ئەمریکایا. چونکی سوپاو چینی توانێوە وەڵێکۊتەی بەرزش جە بوارو مووشەکی هایپەرسۆنیک، فڕۆکەی و چێر دەریایی وەڵێکۊتەیی و جبەخانێوە گۊرەتەرو چەکی ئەتۆمیش هەن.

بە پاو هەمان گوزارشتەو مېیانو هەواڵگری، وڵاتو چینی بەردەوام بۆ جە کاریگەرییە مەترسی و تێکدەرانەکاش پەی لاوازکەردەی ئەمریکای جە ئاستی مېیاننەتەوەیینە.