ژەنا کوردی و ئینترناسیۆنالیستەکا بەرلینو پایتەختو ئەڵمانیینەا بۆنەو ڕۊو جەهانی مافەکا مرۆڤیۆ جە دژو گۆشەگیری سەرو رابەر ئاپۆی و هرووژمە ئەرەگیریەکا سەرو ۋەرنیشتی زنجیرۍ ژەنانەشا سازکەرد. چالاکیەکە جە لایەنو رێکوزیاکا پېسە جەنی، ئەنجومەنو ژەنا دەسدانی، وۆمێن دیفێند ۋەرنیشت، ئەنجومەنو ژەنا ئێزدی جە بەرلین، تەکۆژن، ژەنە خۆنکارا بەرلینی، کۆمیتەو جۆنگی، کەژار و گەمیندە کامپفێنیۆ سازکریابۍ.

چالاکیەکە بە دروشمۊو "زنجیرەو ژەنا جە دژو گۆشەگیریین" ۋەردەمو کاتدراڵی بەرلینینە دەسشپنەکەرڎ. ژەنا جە چالاکیەکەنە پەیامو هێقم کەردەی ریزەکاو یۆگێرتەیشادا. جە چالاکیەکەنە ئانە وزیاڕووە کە شۆڕشو ژەنا جە ۋەرنیشتەنە سەرو بنەماو ئەندێشەکا رابەر ئاپۆی پێکئامان. جە چالاکییەکەنە ئانە وزیا ڕووە کە ئازادی رابەر ئاپۆی راسەوخۆ بە ئازادی ژەناوە بینیان و ئەرەیاۋناشا، "تا گۆشەگیری بەردەوام بۆ، کەس نمەتاوۆ دلۍ ئاشتینە بژیۋۆ".

چالاکیەکە بە دروشمەکا ' بژیۋۆ ئۆجالان'، 'ئازادی پەی ئۆجالانی'، 'ژەنی، ژیۋای، ئازادی'، 'ئازادی پەی گرڎو زینانیا سیاسی' و ' بژیۋۆ مڎرامانوو ئیمراڵی' دمایش پنە ئاما.