بریتان گونەشە پەرلەمانتارەو مێرڎینوو پارتوو چەپی سەوزی بە اماژەدای پانەیە کە مشۊم جە بێهیوایی، تووڕەیی، خەم و ڕەخنەکاو گەلی دماو ورچنیەی یاوانە و واتش، گەلەکەما پارێزگاری وداکۊکییش جە نەریتوو کۊشیای کەرڎ. تەنانەت ئەگەر گەلەکەما سەرکۊنەیچما کەرۊ، داکۊکییش جە ئیرادەو حیزبەکەی کەرڎەن.

جە چەنەدواێوەنە پەی ئاژانسوو هەواڵوو فورات (ANF)ی بریتان گونەشە باسش جە دۊخوو بازنەو ورچنیەی  مێرڎینی کەرڎ. گونەشە ئانەش وست ڕووە، کە خەڵک نەک پەی کاندیدەکا، بەڵکوو پەی نەر ئاستەیۊ نەریتوو کۊشیای ئینۍ مەیدانەکانە و واتش: ئی ئیرادە لای سەری گرڎوو چێوەکاوە بەنرخا. گەل تامەزرۊشنۍ، چەمەڕوانیشا بۍ و ئانەشە بەڕۊشنی بەر وست. فرەو ئەدایا، ژەنا، گەنجا و زارۊڵا قوربانییاو ئی دەسەڵاتەینۍ. چەنی بڕێوە فرەیشا کوۍ بییەیمێوە و گۊشما جە داواکارییەکاشا گێرت، ئەدۍ بە زوانی ڕۊچێوە دەسشا جە هەرمانۍ ورگێرتەبۍ پا گەرما، ئامۍ لاما، ئینە ئینسانی پەڕ کەرۊ ورە و قودرەت بە کەلیمۍ مەوچیۊ یانۍ زوان کەچی مارۊ واتەیشنە، فرۍ ئانیشا سەرما دی لاو کەمیوە کەسێشا دەولەتی گێرتەبۍ. ئا بنەیانۍ بۊنەو جەنگیوە ڕاستەوخۊ زەرەرشا دریابۍ وەنە، هومێدوو چارەسەریشا  کەرا، چەنی ئانەیچا جمای ژەنا دژوو ئازادی و نایەکسانی ڕەگەزی درێژەش هەن، چا دەگایانە کە لوایمۍ، دیما گەنجەکێسا کەمینۍ و بۊنەو خراپیی زرووفیوە ڕووەشا کەرڎێنە شارەکا، ئیسەنە مەتاوا هیتیاری و زەراعەت کەرا، ئینەیچ سیاسەتوو دەولەتین پەی چۊڵکەرڎەی شارە کورڎییەکا، تا بەرەو شارە گەورەکا بلا.

پێکای ئامانجەکەیما دوور نەبۍ جە چەمەڕوانیوە

گونەشە بە جەختکەرڎەیۊ سەروو پەنەوازی ورسەنگنای فرەڕەهەندوو بەینوو ئامانجەکا جە سەرەتاو بانگەشەو ورچنیەینە و ئا دیمەنە کە جە ١٤و ئایارینە ڕووەش دا واتش، ئەوەڵوو بانگەشەیۊ واتما کە١٠٠ پەرلەمانتارۍ و جە مێرڎینیچنە هەر شەش کورسییەکا مسۊگەرۍ کەرمۍ. ئینەیچ جبەروو تەوانایماوە نەبۍ با بڕۍ چێوۍ باسۍ کەروو:

*ئی هەڵمەتەو ورچنیەیەیما بە حزبێوە تەمام تازەوە بەرڎ ڕاوە. وەروو هەڕەشاو وستەیرەی پارتەکەیما دیمەنێوە لێڵ و ناڕۊشن کێشیابۍ. لێڵکەرڎەی و ناڕۊشنی یۊن جە تاکتیک و ڕاکارە  باوەکاو فاشیزمی.

*بۊنەو بوومەلەرزەیۊ ورە و جۊشوخرۊش وەستەبێرە.

*بارەو هامپەیمانییەکەیۊ تا ڕاددێوە سەروەنەتێکشیەی بۍ، نەتاواما وەرەچەمڕۊشنی تەمام دەیمۍ بە خەڵکی. 

*جە شارۊچێوە پێسە مازیداغینە پارتوو چەپی ٢٠٠٠ هەزار دەنگێش ئارڎۍ. دەنگی پووچەڵکریێوەیچ دێرکنە بێنۍ فرێشا هینۍ پارتوو چەپی بێنۍ. تا تاوابۊما یانە بەیانە گێڵینمۍ، بڕۍ لاێچ نەتاوام بلمۍ ئا لێڵۍ و ناڕۊشنییە چارەسەر کەرمۍ. 

*هەم دەنگ دریان جەهەپەی و هەم  پارتوو چەپی سەوزیچ. جەهەپە بۊنەو پەشتیوانیما جە کاندیدوو سەرۊککۊماروو ئادیشا حەولێش دی دەنگدەرەکاما پەی وێش کێشۊ، لوێنمۍ هەر یاگۍ واچینمۍ هامپەیمانیما چەنی ئادیشا نییا. دەنگ بە پارتی چەپی سەوزی دەیدۍ. دارەکەما (هێماو پارتوو چەپی سەوز)یما نیشانە دۍ، جەهەپە بەئەنقەس وەنەو خەڵکیشا تێک دا.   

*وەڵێ١٤و ئایارینە هومێد، جۊش و خرۊش و وۍ بەساعیبزانای فرە بۍ. لە ١٥و ئایارینە و دماو ئانەیە بێهیوایی، تووڕەیی، خەم و ڕەخنۍ ئامۍ ئاراوە. ئینە مشۊم سەرشۊ مرڎمۍ. گەلەکەما پاڕێزگاری و داکۊکییش جە نەریتوو کۊشیای وێش کەرڎ. تەنانەت ئەگەر گەلەکەما سەرکۊنەیچما کەرۊ، بەڕۊشنی ئرماناشا کە ئینۍ سەروو خەتەو ئیرادەیۊ.

*لەیەکدایۊ و دەسنیشانکەرڎەی ڕۊشنانەتەر مەیدانەکانە بێ:  وەلۍ چی پێسە دوورەپەرێزی وەراوەروو بنکەی سەرەکی بێ؟ پەی چێشی کاندیدی تایبەت بە وێما نەبۍ پەی ورچنیەی سەرۊکایەتیی کۊماری؟ چی هامپەمانییەکە پێسنە بێ؟ چیگەوە نەتاوام بەتەمامی خەڵکەکەیما قایل و دڵنیا کەرمێوە.

*چندین داواکاریۍ پەی کۊبییەیۊ وەرفراوانی گرڎینی بەرزۍ کریێوە، خەڵک گەرەکش بۍ ڕەخنە و ویانەیەکاشا وزا ڕووە.  

نەریتوو کۊشیایما سەرچەمەو قوەتیمانە

گونەشە بە ئاماژەدای بە یۊ جە کۊنسێرڤاتتەرین و نەتەوەپەرستتەرین دەورەکاو پەرلەمانی جە تاریخوو کۊمارینە پێک ئامان واتش، ئیانیمۍ قۊناغێوەنە یا وەربەسەکۍ قووڵتەرۍ باوە یا بە کۊشیای ڕێکۍ کریاوە، گونەشە  ئەوەخواش کەرڎۊ کە چەمەڕۍ بابەتی گەرمی و قورسینۍ ئانەیچش وست ڕووە، کە ئەقڵیەتێوە هەن دژوو دەسکەوتەکاو کورڎی، دەستکەوتەکاو ژەنا و کرێکاران. ئانۍ ماچا با ژەنی یانەنە با ئینی پەرلەماننە ئانۍ ماچا با ژەنی سووچوو یانەینە با ئینۍ پەرلەماننە گرڎما دژشا مرڎمیوە و کە ژەنی چەنی متاوۊ نوقتۍ ورچەرخنای بۊ، مشۊم پاشەکشی نەکەرمۍ و بلمۍ وەرۊ بە مەراموو خولقنای دەسکەوتە تازا درێژە بە کۊشیایما دەیمۍ. ".

س.ز