'بیمۍ بە قسەکەرو کۊشیای کۆمەڵایەتی'
ئەحمەڎ ئاسەنا، ئەنڎامو دەسەی ڕاۋەبەری ناۋەنڎو پارتو چەپی سەوزی ئەرەیاۋناش، گەل پارتېۋەش گەرەکا کە زۋانحاڵو کۊشیای کۆمەڵایەتی بۊ و ۋاتش: بیمۍ بە قسەکەرو ئەرەکۊشای کۆمەڵایەتی.
ئەحمەڎ ئاسەنا، ئەنڎامو دەسەی ڕاۋەبەری ناۋەنڎو پارتو چەپی سەوزی سەبارەڎ بە قۆناغو سەرجەنۊ ئەرەمەرزنایۊ و متەیراوەو پارتەکەیشا قسېش پۍ ئاژانسو هەواڵی فورات (ANF)ی کەرڎ.
ئاسەنا جەبارەو هەرمانەکا ڕۋانی ئاینڎەی و حەرپاسە ئەرەمەرزنای و ۋۍ سازکەرڎەیۊ پارتو چەپی سەوزی زانیاریش وست ڕووە و ۋاتش: پارتو چەپی سەوزی جە شار و مەنتیقەکانە گلېرۊبیەی ئەنجام مڎۊ، دماتەر کۊبیەیۊ گەلی ساز کریۊ و بە کۆڕبەند و سمینار هۊرسەنگنای پۍ قۆناغەکەی و ئانەی کە جە سەردەمی تازەنە مشۊم کریۊ پێشکەش بە کۆنفڕانس و کۆنگرەیش کەرمۍ. ئا قۆناغە بە قەرارەکا کۆنفڕانسی و کۆنگرەی یاۋۊ بە دمایی ".
داواكارییه‌كۍ جەبارەو ئشناسنامه و ئاژەو ئابووری پەشت گۊش نەوزیا
ئاسه‌نا ئاماژەش پانەی کەرڎ، کۊبیەیۊ شار و شاڕۆچكڵەکا دمایش پنە ئامان و جە ماوه‌ی ئاینڎەنە کۊبیەیۊ جه‌ماوه‌رییه‌كا تەمام کەرمۍ. قسەکەرو پارته‌كه‌یما چا بارۊ بە تێروته‌سه‌لی پۍ یاۋنەریەکا و ڕایگرڎی قسۍ کەرۊ. دماو ئا گلېرۊبیە جه‌ماوه‌ریا كۆڕبه‌ند و سمینارۍ ساز کەرمۍ.
ئاسه‌نا تەئکیدش کەرڎۊ، جە بنه‌ڕه‌تەنە گه‌له‌كه‌ما ده‌سنیشانش کەرۊ، گەرەکشانە پارتێۋە ۋینا، كه داواكارییه‌كاش به شېۋېۋە ئاشکرا باس کەرۊ، جە په‌رله‌مانەنە ۋەرگیری جە گه‌لی مکەرۊ و بۊ بە قسەکەر و زۋانحاڵو ئەرەکۊشای كۆمه‌ڵایه‌تی. حەرپېسە هاموته‌واچو پارتو چه‌پی سه‌وزی جە کۊبیەیۊ فراكسیۆنه‌كه‌ینە ۋاتش: جە دما دمایی ئی پرۆسه‌ینە پېسە قسەکەرو ئۆپۆزسیۆنی كۆمە‌ڵایە‌تی و ناۋەنڎو ئۆپۆزسیۆنی كۆمه‌ڵایه‌تی، بەشڎاری جە سیاسەتینە کەرمۍ. به‌ڵام پۍ ئانەیە مشۊم چەمەڕاو گلېرۊبیە جه‌ماوه‌رییه‌كا بیمۍ. ئا داواكاریۍ کە گەرەکمانە سه‌رنجشا وزمۍ سەر ئینېنۍ، داواكارییه‌کۍ جە بارەو ئشناسنامه و ئاژەو ئابووریۋە پەشتگۊش نەوزیا.
هـ . ش
