شارو زوگی سویسراینە بە چالاکیێوە هرووژمەکۍ سەرو ۋەرنیشتی شەرمەزارۍ کریۍ، چالاکییەکە بە دەیەقێوە بێدەنگی مردای پەی ڕێز ۋنەگێرتەی جە یاڎو گەشمەرڎا دەسشپنەکەرڎ و دماتەر بە نامۍ ئەنجومەو گەلو زوگیۆ، کۆچەر سێرت قسێش کەردۍ و ئاماژەش پانەی دا گەلوو کوردی ئینا قۆناغێوە فرە تایبەتەنە و ئینەش وات: "ئەرکو سەرەکی گرڎیمانە وەرگیری جە ۋەرنیشتوو کوردەسانی بکەرمۍ."

جە بەردەوامینە سێرت جەختش کەرڎۆ چانەی نمەبۆ جە ۋەرا ۋەرو هرووژمەکا سەرو ۋەرنیشتینە بێدەنگۍ بیمۍ  و واتش: "چونکی ۋەرنیشت بە تەنیا پارچێوە خاک نییا، بەڵکم خوڵقنەرو داستانو ۋەرگیریکەردەی بۍ جە بەهاو مرۆڤایەتی جە ۋەرا ۋەرو تاریکپەرسی داعشینە."

دماتەر نەجمەدین ئاکداخ بە نامۍ تەجەشەی و تەکۆژنیۆ قسێش کەردۍ و ئاشکراش کەرڎ کە تەنیا چارەسەر جە دژو هرووژمەکا ۋەرفراوانکەردەی ۋێپارێزنا گەلان و واتش: "دۆڵەتو تورکی و چەتەکێش بە زیهنییەتۍ دووژمنکارانەی جە دژو ئازادی گەلوو کوردی و دەسکۊتەکاش مرداوە. بێ ڕۆڵکەردەی ئی زیهنییەتەیە ئەرکو جوانا و ژەنان."

دماو تەمام بیەو قسەکا، کوردەسانیا درووشمەکا "بژیۋۆ سەرۆک ئاپۆ"، "ژەنی، ژیۋای، ئازادی" و "بژیۋۆ مڎرامانوو ۋەرنیشتیشا" واتێوە.

چالاکییەکە بە وەنایۆ ئەرەیاۋنێوە ڕۆنامەوانی بە زۋانی ئەڵمانی دمایش پنە ئاما.