چالاکی قەسەدەی: یەرێ چەتێ کوشیێ و شش درۆنێ وسیێرە وار
قەسەدە ئەرەیاوناش جە چالاکییەکانە دژ بە هرووژمەکا دۆڵەتو تورکی ئەرەگیری و چەتەکاشەنە جە دەروبەرو بەنداوی تشرینی یەرێ چەتێ کوشیێ و شش درۆنێچ وسیێرە وار.
ئامارەو قەسەدەی
مییانو ئەرەیاوناو هێزەکا سوریای دیموکراتیکی (قەسەدە) ئامارەو ٢٤ سەعاتا دمای جەنگەکاش ئاشکرا کەرد.
ئەرەیاوناکەی پی جۆرنە:
"ڕۆو یەکشەممەی چەتەکا دۆڵەتو تورکی ئەرەگیری هرووژمشا کەرد سەرو خاڵێوە جەنگاوەراما جە دەوروبەرو بەنداو تشرینی. جەنگاوەرەکێما وەربەرجو هرووژمەکەیشا داوە و یەرێ چەتێ کوشیێ و دووێ تەرێچ زامڏارێ بیێ.
دماو ماڕاو هرووژمەکەی، ئینجارە ئەرەگیرێ و چەتەکاش بە ژمارێوە فرە جە درۆنا هرووژمشا کەرد سەرو جەنگاوەرەکاما. یەکینەکێ گەشمەرڏو هاروونی تاواش جواب و هرووژمە درۆنییەکا دۆوە شش درۆنێ وسۆرە وار کە یەرێشا درۆنێ وێ کوشیێ بینێ. هامکاتو هرووژمەکەی فڕکەی بێفڕۆکەوانو دۆڵەتو تورکی بە ئاسمانی هەرێمەکەیرە خولیێوە.
بەرەو قەرەقۆزاقی؛ دۆڵەتو تورکی ئەرەگیری و چەتەکاش بە تۆپە زیاتەر جە هەشت گولەتۆپا بۆمبواران و دەگاکا بیر حسۆی و خشخانی کەرد جە ئەنجامو هرووژمەکینە زەرەرێ ماددی فرە وەرو موڵکویانەو هاموڵاتییا کەووت.
بە درێژای هیزی فڕۆکەی بێفڕۆکەوانو دۆڵەتو تورکی ئەرەگیری ئاسمانو شارو کۆبانێ و شارو عەین عیسای و دەگا نشینەکا خولیێوە."
