ئاهەنگە ڕۆژی یەک شەممە لە پارکی هالە سود ئەنجام درا و کوردستانیانی هەرچوار پارچی کوردستان و دۆستانیان بە بەرزکردنەوەی دروشمی "بژی ڕێبەر ئاپۆ" چوونە گۆڕەپانی ئاهەنگەکە. بەشداربووانی ئاهەنگەکە بە بەردەوامی درووشمەکانی "بژی سەرۆک ئاپۆ" و "ژن، ژیان، ئازادی"یان دەگووتەوە. هەروەها وەک سیبموڵی کولتووری بەشێکی زۆر لە گەنجان بە جلوبەرگی کولتووری خۆیانەوە گۆڕەپانی ئاهەنگەکەیان ڕازاندەوە.

ئاهەنگەکە بە خولەکێک ڕێزگرتن دەستی پێکرد و پاشان لەسەر گرنگی جەژنی نەورۆز بۆ گەلی کورد تاوتوێ کرا.

لە ئاهەنگەکەدا هاوسەرۆکی کۆن-مەد کەرەم گۆک ئاماژەی بەوەدا گەلی کورد جەژنی نەورۆزی تەنها وەک ئاهەنگێک ئەنجام نادات، بەڵکو وەک سیمبولی ئازادی و بەرخۆدان پیرۆزی دەکات. هەروەها سەرنجی خستەسەر سیستەمی گۆشەگیری ئیمراڵی و ئاماژەی بەوەدا وەک کوردان تا شکاندنی دەرگای ئیمراڵی بەردەوام دەبن لە تێکۆشان. لە بەردەومییدا ئاماژەی بەوەشدا، دەبێت کۆمەڵگەی دیموکراتیک بونیادنبرێت و کۆتایی بە شەڕ و وێرانکارییەکان بهێندرێت.

دواتر هاوسەرۆکی فەد-کوردی مەندەرەس جەنبەگ جەختی لە بەردەاومیدا بە تێکۆشان کرد و  گوتی: "هەرگیز دەست لە تێکۆشانی خۆمان هەڵناگرین و لە ئێستاوە جەژنی نەورۆز وەک جەژنی بەرخۆدان پیرۆز دەکەین."

ئاهەنگەکە بە گۆرانی و هەڵپەڕکێ تا درەنگانێکی شەو بەردەوام بوو.