ئاهەنگی جەژنی نەورۆز لە پارکی سینکوانتێنایر ،کە لە ساڵی ١٨٨٠ بۆ یادی ٥٠‌هەمین ساڵیادی سەربەخۆیی بەلژیکا دروستکراوە بەڕێوەچوو.

لە بەردەم پەیکەری سەربەخۆییدا سەکۆیەک دامەزرا، دوایین وێنەی ڕێبەر ئاپۆ و پانکارتی "نەورۆزتان پیرۆز" هەڵواسرابوو.

دانی بەیانی زوو بە سەدان کەس لە کوردستانیان و دۆستانیان بە جلوبەرگی کوردی و هەرێمیەوە و بە ئاڵای پەکەکە، پەژاک، یەپەگە، یەپەژە و تەژەکە-ئە لە مەیدانەکە ئامادە بوون.

ئاهەنگەکە بە خولەکێک بێدەنگی بۆیادی شەهیدانی ئازادی دەستی پێکرد. پاشان بە گۆرانییەکانی هونەرمەند خەلیل سادق جۆشی نەورۆز گەیشتە لوتکە.

ئەحمەد کاراموس هاوسەرۆکی کەنەکە وتارێکی پێشکەش کرد و جەختی لە گرنگی نەورۆز کردەوە و سەرەنجی خستەسەر بانگەوازییەکەی ڕێبەر ئاپۆ.

کاراموس وتی: "پێویستە بۆ ئەوەی دەستی ڕێبەر ئاپۆ بەهیز بکەیەن و ئەرکەکانی سەر شانی سووک بکەین و ئازادی جەستەیی پێک بێنین، تێکۆشانمان زیاتر بکەین.

ئاهەنگی نەورۆز بە کردنەوەی ئاگری نەورۆز گەیشتە لوتکە. لە ئاهەنگەکەدا هونەرمەندان؛ بێریڤان تورهان، عەلی ژیان و مستەفا ئاڵتون بەرهەمەکانیان پێشکەش کرد و جەماوەر سەمایان کرد.