بە سەرمەشقایەتیی بنەیانەو زیندانییا، ڕێکوزیا مەدەنییەکێ و پارتە سیاسییەکێ گرد حەفتێو وەردەموو زیندانەکانە چالاکی "دەنگت بوزە پاڵوو ئازادی" مکەرانێ. چوارچوەو ئی چالاکییانە چند شارێونە ئەرەیاونیا ونیاوە.

ئەزمیر

بە سەرمەشقایەتیی کۆمەڵەو پەشتگیری و پەشتیوانی جە بنەیانەو زیندانییا و حکومدریایا ئەگێ و بنەیانەو  زیندانییا وەردەموو زیندانوو ئاسایشووباڵاو بوجا کرکلاری چالاکییشا کەرد، درووشمەکێ پەی ئازادیی زیندانییا بەرزێ کرایێوە.

هامسەرۆکوو دەم پارتی ئەزمیر محەمەد کوروش واتش، پێویسا چی وەڵاتەنە دۆخ ئاسایی بکریۆوە، پەی ئینەیچە مشۆم پەرسەو کوردی بە ڕای دیموکراتیکە چارەسەرە بکریۆ.

کوروش واتش: "ورگێرتەی گۆشەگیری سەروو بەڕێز عەبدوڵا ئۆجالانی و بەشداربییەیش پرۆسەی سیاسیینە، مبۆنێ بە هەنگامیوی قەوەتە  پەی ئاساییبیەیوە ڕەوشو وەڵاتی. داوا وەنەو گردلێوە مکەرمێ بابەتوو گۆشەگیرینە هەستیارێ بانێ ".

یۆ جە قەوموو زیندانییا سوڵتان یاگمەکان واتش: "ئێمە گۆشەگیری قبووڵ نمەکەرمێ و حەرگیز  جە کۆشیای نمەیمێ دما".

ئەرەیاونایەکەی بە چالاکیی ئەرەنیشتەی دماییش ئاما. 

ئەدەنە

جە ئەدەنەنە بە سەرمەشقایەتی بنەیانەو زیندانیا و بە بەشداری پارتە سیاسییەکا و ڕێکوزیا مەدەنییەکا جە چوارچێوەو چالاکی "دەنگت وزە پاڵ و ئازاڎیی" وەروودەم و زیندان و کورکچولەری ئەدەنەینە ئەرەیاۋنێوەشا وەناوە.

سەرەڕاو ئاستەنگی پۆلیسی چالاکییەکەشا ئەنجامدا، هێلەکێ "گۆشەگیری تاوانەو مرۆڤایەتینە"یشا پۆشێ و لافیتەو "پەی دادپەروەری گۆشەگیری ماڕدێ، پەی ئاشتی گلێرگەیی دەنگت وزە پاڵ و ئازادیی"یشا هۆرکەرت، درووشمەکا "بژیوۆ مدرامانوو زیندانیا" و "بژیوۆ مدرامانوو ئیمراڵی" و "دەنگت وزە پاڵ و ئازادیی"یشا بەرزکەردۆ.

ڕاوەبەروو پارتوو یەکسانی و دیموکراسیی گەلا (دەم پارتی) ئەدەنەی، یاشار دەمیر ئەرەیاوناش گۆشەگیری سەروو ڕابەرو گەلو کوردی عەبدوڵا ئۆجالانی قۆرتە سیاسی و گلێرگەی و ئابوورییەکێش قووڵتەر کەردێنێ و ئی چالاکییەیچە پەی ڕەڎکەردەیۆ گۆشەگیریی ئیمراڵییا، واتش: "پەی کەردەیۆ ڕاو گفتووگۆی، داواکاری زیندانیا قبووڵ بکەردێ، داوا جە ئۆپۆزیسیۆنی و ڕێکوزیا مەدەنییەکا و ڕۆشنویرا و نوویسەرا و هونەرمەندا و گڕد لایەنە دیموکراتیکەکا مکەرمێ، پەیوەس بە گۆشەگیری و داواکاری زیندانیا بەیا دەنگ و هامکاری مدرامانی و کۆشیایشا بکەرا".

دماتەر چالاکی ئەرەنیشتەی ئەنجامدریا.