پەرلەمانتارو پارتو یەکسانی و دیموکراسیی گەلا (دەم پارتی) جەنگیز چاندار سەرێ شارەوانیی سوورو ئامەدیش دا، لاو هامسەرۆکاو شارەوانییەکەیۆ، عەدنان ئۆرهان و فاتمە گولان ئۆنکۆڵێوە خێرامای کریا.

چاندار واتش ڕژێمو قەیومی بە هورچنیەی ٣١و  ئاداری دماییش ئاما، بەڵام بڕێ هێزێ و لایەنێ پرۆڤۆکاسیۆن مکەرا تاوەکو قەیومی بکەراوە بە پەرسەو ڕۆی.

چاندار واتش ئا هێزێ کە چەنی واننە وەراوەرو ئیرادەو گەلیوە شکسشا ئارد، حیچ شارەوانیێوی تەریچنە نمەیاوانێ بە ئامانجەکاشا، چاندار ڕەخنەش وەنەو وەزیرو دادی گێرت و واتش: "تورکیانە وەختو وەزارەتەکەیشنە چێوێ نەمەنەن نامێش دادپەروەریی بۆ. پێویسا پەنا پەی فرتوفێڵا نەبەرۆ. هیچ ئەنجامێودەس نمەوزۆ. تاوانێوی گولانەیچ نمەوێزانێوە تا شارەوانیی سوری پنە تۆمەتبار بکەرا. شارەوانی سوور هیچ غەڵەتێوەش نییا. با دەسەڵات ڕێز وەنەو ئیرادەو گەلی بگێرۆ".