ھامپەیمانی ڕەنجو ئازاڎیی- بەرلین، پۍ گلېرۊبیەی ٢٦ و ئاداری چڕیەیێش ۋەڵا کەرڎۊ و جە چڕیەکەینە ئامان:" پەنەوازەن ئا پارتو لایەنە کە بە مەڵامەتو دەسەڵاتو ئیسەیۊ فشارشا سەر وەشبیەن، پېۋەرە ئاماڎەکاری پۍ ورچنیاو ١٤ و ئایاری بکەرا".

جە ئەرەیاۋناکەنە ئامان:" پېسە مزاندۍ ورچنیاکۍ ١٤ و ئایارو ٢٠٢٣ۍ  یۊ جە گرنگتەرین خاڵەکا تاریخو کۊماریا. گرڎما پېۋەرە دیما، کە ڕژێمو تاکە کەسی و دەسەڵاڎ وازی ئاکەپە- مەھەپەی ڕاش پۍ چېشی ۋەشکەرڎەن. ڕژێموو تاکە پیای کە ۋێش قەرار سەرو گرڎ چېۋۍ مڎۊ، چی ئاخیراۋە بی بە مەڵامەتو ئانەی کە دەیان ھەزار کەسۍ جە ۋڵاتەکەمانە گیان جە دەس بڎا، چونکی ۋەختۍ خەڵک چېرو دارو پەردو یانە وڕاکانە بۍ دۊڵەتو دەسەڵات نەلۍ پېوایشاۋە ڕزگارشا کەرا پا مەڵامەتۊ گیانشا بەخشا.

ئیتەر سەبرو گەلا ترکیەی تەمامیان و تەنیا ڕوۋێتەر مەتاۋا تەحەمولو ئا ڕژێمەیە کەرا.

ھامپەیمانی ڕەنجو ئازاڎیی- بەرلین، پۍ ھەرمانو کارو ورچنیای، چڕیەیش پۍ گلېرۊبیەی لایەنە دیموکراتیەکا ۋەڵا کەرڎۊ.

ۋەخت: ٢٦/ ٣ / ٢٠٢٣

یاگۍ: گلېرگەو دێرسیمی

سەعاڎ: ١٤:٠٠

ھ.ش