لوجنەو دادگای قەراروو بەردەوامیی دەسبەسەرکەردەیش پەی هامسەرۊکوو کۊمەڵەو ڕۊنامەنویساو دیجلە-فورات دەفەگە سەدات یڵمازۍ هەواڵسازەو ئاژانسوو میزۊپۊتامیای (MA) دیجلە موفتوئۊغڵۊێش درێژ کەردۊ.
هامسەرۊکەو کۊمەڵەوی ڕۊنامەنویساو دیجلە فوراتی دەفەگە سەدات یڵمازە و هەواڵسازەو ئاژانسوو میزۊپۊتامیا (MA) دیجلە موفتوئۊغڵووە دادگاو تاوانە قورسەکاو پەنجەموو ئامەدی بە تۊمەتەو "ئەندامێتی جە ڕێکوستەی" و "وەشکەردەی ڕێکوستەی و ڕاوەبەردەی" دادگایی کریا.
دیجلە موفتوئۊغڵووە ماوەو ٩ مانگان ئینا زیندانوو ژەنانە سینجاننە دەسبەسەرەنە، کە چا زیندانییە کریێنە.
داواکاری گردین، کە دماو قسەکاو شایەتحاڵ کەرەم گۊکاڵپی، پەیلوای وێش ئاشکرا کەرد، داواو درێژەدای بە گێرتەی موفتوئۊغلویۍ کەرد.
سەروو داواو داواکاری گردینی دادگا قەراروو بەردەوامیی دەسبەسەرکەردەی ڕۊنامەنویس دیجلە موفتوئۊغڵویێش درێژ کەردۊ.
دیجلە موفتوئۊغڵووە چوارچوە ئەوەکۊڵیایوەکاو داواکاری گردینوو ئەنقەرەی ٢٩ نیسانوو ٢٠٢٣ چەنی سەدات یڵمازۍ هەواڵسازەو ئاژانسوو میزۊپۊتامیای ئامەدنە دەسبەسەرێنۍ و گیریێنۍ.
