دادگاو باڵاو تورکیای سەرجە نۆ دۆسیەو عەبدوڵا زەیدانی مکەرۆوە
دادگاو باڵاو دۆڵەتو تورکی قەرارو دادگای دلێینەیش جەبارەو گێڵنایۆ مافەکا پەی عەبدوڵا زەیدانی هامسەرۆکو شارەوانی وانی رەڎکەردۆ و قەرارشدا سەرجەنۆ دۆسیەکە بکریۆوە.
دادگاو باڵاو تورکی سەرو هۆرشێونایۆ قەرارو دادگاو دلێینەو ئامەدی پەی گێڵنایۆ مافەکا عەبدوڵا زەیدانی و هۆرشانایۆ قەدەغەی سەرو ئاڎیی، سەرجەنۆ دۆسیەکەش رەوانەو لقو پەنجو دادگاو تاوانە قورسەکا ئامەدی کەرد.
قەرارەکە وەڵێ ئانەینە بە ڕەسمی جەلایەنو دادگاو باڵایۆ ئەرەیاویۆ، جە میدیاکا سەر بە دەسەڵاتیۆ وەڵاکرییابێوە.
جە قەرارەکەو دادگاو باڵاو تورکینە ئامان، کە قەرارو دادگاو دلێینەو ئامەدی جە بارەو عەبدوڵا زەیدانی، "پاشێلکارییا و بێ بنەمان" و پەنەوازا زەیدان سەرجەنۆ دادگایی بکریۆوە.
وەڵتەرێ و چنی وەڵابیەیۆ قەرارەکەی جە میدیاو دەسەڵاتی عەبدوڵا زەیدان هامسەرۆکو شارەوانی وانی داواش ۋنەو گەلی کەردەبۍ وەرا وەر پی گەمە تازەو دەسەڵاتی وریۍ باو وێڕاگری بکەرا و چابارۆ ئەرەیاوناش: "پەنەوازا گەلەکەما دەورو ئیرادەیشارە کوۍ باوە و ئی گەمە تازەیە بماڕا".
