جەمەو مافو مرۆڤو کوردەسانی ئەرەیاۋناش، هاموڵاتیێوە کورد بە نامۍ میحراب عەبدوڵا زادەی (٢٦ ساڵ)ی خەڵکو شارو ئورمیەی جە لایەنو لقو دووۍ دادگاو شۆڕشو ئورمیەیۆ سزاو جە قەنارەدایش سەرەرە سەپیان.

ئاماژەش پانەیچ کەرڎەن، ئا هاموڵاتییە جە لایەنو دەزگاو دادوەری ئێرانیوە بە تۆمەتو "بەغی" سزا دریان.

یاگۍ ئاماژەینە، جە مانگەو ئەیلوولو ٢٠٢٢ێنە میحراب عەبدوڵازادە جە شۆڕشو “ژەنۍ ژیۋای ئازادی” جە لایەنو هێزە ئەمنییەکا ئێرانیوە بڕفانیا و جە یۆ جە زیینانە ئەمنییەکا ئورمیەینە دماو چن مانگۍ جە ئەشکەنجەدای و ۋنەپەرسایۆ پەی گێرتەخانەو ناوەندیی ئورمیەی فاڕیاوە.