سەرۆک شارەوانی ئیستەنبوڵی ئەکرەم ئیمام ئۆغڵو، سەرۆک شارەوانی شیلی ڕەسوڵ عەمرە شاهان، ماهیر پۆلات، محەمەد عەلی چالیکان بە داواو زینانیکەردەی دریۍ دەسو دادگای. هەرپاسە قەڎەغەکەردەی چالاکییەکا جە ئیستەنبوڵنە تا ٢٧و ئازاری درێژکریاوە.
جە چوارچێوەو ۋنەپەرسایۆ جە تۆمەتەکا 'تیرۆری' و 'گەندەڵی' کە شارەوانیی ئیستەنبوڵی و سەرۆکو شارەوانی ئەکرەم ئیمام ئۆغڵوش پنە تۆمەتبار مکریۆ، ٩١ کەس جە داواکارو گرڎیینە ئیفادەشا دا.
هامکات چنی ئیمام ئۆغڵوی، سەرۆک شارەوانی شیلی ڕەسوڵ عەمرە شاهان، یاگەگیرو سکرتێرو گرڎیی شارەوانی ئیستەنبوڵی ماهیر پۆلات، ڕاوەبەرو ئینستیوتی ڕیفۆرمی محەمەد عەلی چالیکان، جە چوارچێوەو ۋنەپەرسایۆ 'رێککەوتەی شار'ینە بە داواو زینانیکەردەی ڕا دەسۍ دادگاو سزاو سوڵحی کریۍ.
داواکاری گرڎیی داواش کەردەن ئەکرەم ئیمام ئۆغلو ۋەرو تاوانەکا پېسە 'پێکئاوردەی ڕێکوستەی تاوانکاری' و 'گەندەڵی' و 'بەرتیل'ی و 'هامکاریکەردەی ڕێکوستەی تیرۆری چەکڎار'ی زینانی بکریۆ.
ئاماو لوای جە ئیستەنبوڵنە سنووردار مکریۆ
جە لێوەتەرۆ قەڎەغەکەردەی چالاکییەکا جە ئیستەنبوڵنە تا ٢٧و ئاداری درێژکریاوە. 'قەڎەغەکەردەی چالاکییەکا' کە دماو باڵبەسکەردەی سەرۆک شارەوانی ئیستەنبوڵی ئەکرەم ئیمام ئۆغڵوی ئەرەیاۋېیا، فراوانتەر کریا و ئاماو لوای جە ئیستەنبوڵنە سنووردار کریا.
جە شەوێنە چالاکیی ناڕەزایی جە شارە جیاوازەکا ئیستەنبوڵینە لوواڕاوە و ئەرەیاۋېیا کە ٣٢٣ چالاکۍ باڵبەسۍ کریێنۍ.
