براو ڕابەروو گەلوو کەردی عەبدوڵا ئۆجالانی و پارێزنەرەکەش مەزڵوم دینچ، پەی داواکاریی کەردەی دیداری چەنی ڕابەروو گەلوو کوردی، سەرێ داواکاری گردینوو کۆمارو بورسای و ڕاوەبەریی زیندانوو ئیمراڵیشا دا.

عەلی کۆنار براو عومەر خەیری کۆناری، پۆڵاد یەڵدرم براو حامیلی یەڵدرمی و مەلیحە چەتینە واڵێ وەیسی ئاکتاشی بەهەمان داواکاریوە هەمان سەرشا دا.

*ڕابەروو گەلوو کوردی ماوەو ٢٥ ساڵان بە پیلانگێڵنیی میاننەتەوەیی گیریان و زیندانوو دورگەو ئیمراڵیینە وزیان گۆشەگیرییوە.

*ماوەو ٤٢ مانگان بە هیچ نۆعێوە زانیاری بارەو ڕابەروو گەلوو کوردی عەبدوڵا ئۆجالانیوە نییەن، پەی ئی مەبەسیچە هەڵمەتەو 'ئازادیی پەی ئۆجالانی، چارەسەری سیاسیی پەرسەو کوردی بەردەوامێ بیمێ' ملۆ ڕاوە.