جەمەو ڕۆنامەنوویسا دیجلە-فوراتی سەبارەت بە پێشێلکارییەکا مافو ڕۆنامەنوویسا جە مانگەو شوباتینە ڕاپۆرتەو وێش وەڵا کەردۆ. بەپاو ڕاپۆرتەکێ، پێشێلکارییەکێ مافو ڕۆنامەنوویسا جە مانگەو شوباتینە بەردەوامێ بیێنێ.

بە پاو ڕاپۆرتەکێ:

• ڕۆنامەنوویسێوە باڵبەس کریا.

• ٧ ڕۆنامەنوویسێ سەرو یانەیشارە دریان و باڵبەسکریێنێ.

• ١٨ڕۆنامەنوویسێ دەسبەسەر و چی ژمارەیە ٨ ڕۆنامەنوویسێشا باڵبەسکریێنێ.

• ٨ ڕۆنامەنوویسێ هەڵسوکەوتی خراپشا وەراوەر کریان، ٣ ڕۆنامەنوویسێ ڕووبەڕووو هەڕەشێ بیێنێ.

• هەرمانە لواشۆنی و ڕۆنامەوانا پەی ٨ ڕۆنامەنوویسا ئاستەنگ کریان.

• جە دژو ٨ ڕۆنامەنوویسا ئەوەکۆڵیایۆ جە دژشا دۆسیە کریانۆ.

• بە گرڏی پەی ٤ ڕۆنامەنوویسا ٤ساڵێ و ١١مانگێ سزاو زینانی کەردەی سەپیان.

• جە ٢٦ دۆسیەنە ٣٠ ڕۆنامەنوویسێ دادگایی کریانە.

یاگێ ئاماژەینە تا دمای مانگەو شوباتی ژمارەو ڕۆنامەنویسا زینانی کریایا یاوان ٤٢ ڕۆنامەنوویسا.

هەرپاسە جە هرووژمەکا دۆڵەتو تورکی پەی سەرو سەرنیشتوو و وەرکەوتوو سووریای بە تایبەت بەنداو تشرینی، جە هرووژمێوەنە ١٥و شوباتی ڕۆنامەنوویس عەگید ڕۆژ گەشمەرڏە کریا، هەتا ئیسە جە ٦ مانگو دماینە بە مەڵامەتو هرووژمەکا دۆڵەتو تورکیوە ٦ ڕۆنامە نوویسێ گەشمەرڏێ کریێنێ.