جەمەو ڕۆنامەوانا دجیلە فوراتی (دەفەگە) و جەمەو ڕۆنامەوانا ژەنا میزۆپۆتامیا (مەکەگە)، ناڕەزایەتیشا جە وەراوەر باڵبەسکەردەو ڕۆنامەوانا جە ئەستەنبوڵ و ئیزمیرەرە نیشاندا و داواو دەموودەس ئازاد کەردەیشا کەرد.
سەرسەعبوو ئارۆی ئەستەنبوڵ و ئیزمیرەنە جە هور کوای سەرو یانارە ژمارێوە فرە ڕۆنامەوانێ باڵبەسێ کریێ.
ڕۆنامەوانێ زەینەب کورایە، بولەنت کلیچ، گۆکهان کام، خەیری تونج و پەیامنێرو ئاژانسو فراسن پرێسی یاسین ئاکگوڵ و پەیامنێرو NOW عەلی ئۆنەر تۆسون، بیرگون باریشی نویسەر، پەیامنێرو سەندیکای. ئۆرگ زیشان گور و پەیامنێرو وێنەگریی کورتولوش ئاری باڵبەسێ کریێ.
دەفەگە و مەکەگە داواشا کەرد ڕۆنامەوانە باڵبەسکریێکێ دەموودەس ئازادێ کریانە.
دەفەگە و مەکەگە هرووژمەکێش جە ئیستەنبوڵە دژو ڕۆژنامەوانا و جابەجێ کەردەی پێسەو سانسۆری RTUK و BTK هورسەنگنێ و ئاماژەش پانەیە کەرد باڵبەسکەردەو ڕۆنامەوانا قبوڵ نمەکەرمێنە.
جە لێوەتەرۆ مەکەگە فشارەکێش سەرو ئەرەیاونای شەرمەزار کەرێ و ئاماژەش پانەیەدا ڕۆنامەوانێ ئەرکو وێشانە جە هۆشیارکەردەیۆ و زانیاری بەخشنای بە ڕاو گرڏی بەردەوامێ بانە.
