دەگاو گەچینەی یۊ جە دەگا ۋەش و ڕەنگینەکا هۊرامانینە جە پانیشتو کورڎسانی، ئی دەگۍ  هام سنورەنە چنی دەگاو کېمنەو بېرواسی و هانە گەرمڵەی جە هۊرامان و ۋەرکەوتی، دماو نزیکەو زیاتەر جە٥٥ساڵا هېزی١٦/٦/٢٠٢٣ یۋەم نماو جومعەی جەمزگی گەچینەینە ئەنجام دریا.

ئەنجومەنو دەگاو گەچینەی ڕېزدار مامۊسا جەمال بە بەش و هۊرامی ئاژانسو هەواڵی فورات (ئەنەفە)یش ۋات؛  دماو بارکەرڎەو دەگایەکا و وەزنایرەی زۊرەملۍ خەڵکی پۍ گلېرگە وەشکریایەکا ڕژېم وبەعسی، ئارۊ پۍ یۋەمین جاری دماو ٥٥ ساڵا وتارەو جومعەی دەگېکېنە ۋنیاوە.

مامۊسا جەمال ئەرەیاۋناش؛ بەنامۍ ۋېم وخەڵکو دەگاو گەچینەیۊ فرە سوپاسو دەس وەشی جە مام نەسرەدین محەمەڎ محیەدینی کەسایاتی دەگاکېما مکەرو کە ئەرکش کېشت مەسرەف و کەرڎەیۊ مزگیەکەیش گېرت ئەستۊ ۋېش و دماو ساڵەو ١٩٦٨ یوە کە مەرحومو مامۊسا مەلا نوری سەرگەتۍ ئیمامو خەتیبش بۍ، هېزی١٦/٦/٢٠٢٣ بە ئاماڎەبیەو چن کەسۍ جە کەسایەتیەکا دەگېکېما دماو ٥٥ ساڵا نماو جومعەیما کەرڎە.