بۆزان خەلیل هامسەرۆکو پەیەدەو کانتۆنو فوراتی ئەرەیاوناش: "بانگەوازەکەو ڕابەر ئاپۆی پەی ئاشتی جە دژو جەنگیا هەنگامێوە تازێنە. هیواڎارێنمێ گرڏو گەلا وەرکەوتو دلێڕاسەی خاوەنداری جە بانگەوازەکەو ڕابەر ئاپۆی بکەرا."
بۆزان خەلیل هامسەرۆکو پارتو یۆبییەو دیموکراتیکی (پەیەدە)و کانتۆنو فوراتی سەبارەت بە گرژییەکا وەرکەوتوو دلێڕاسەی قسێش چنی ئاژانسو هەواڵو فوراتی (ANF )ی کەرد.
بۆزان خەلیل ئەرەیاوناش؛ وەرکەوتوو دلێڕاسەی جە سەدەو ٢١نە ئینا ئاژاوە و قەیرانەنە و واتش: " ئی گرژیی و ئاڵۆزیێ جە لایەنو بڕێ هێزێ دەسەڵاتداریۆ ئەنجامێ دریانە. دماو بانگەوازییەکەو ڕابەر ئاپۆی پەی ئاشتی دۆڵەتو تورکی ئەرەگیری هیچ هەنگامێوەش نەنیان، جە هەمان کاتەنە دماو وڕناو حکومەتو بەشار ئەسەدی، ئەشیێ جە سووریانە ئاشتی بەرقەرار بیێ، بەڵام دیسان قەیران و نائارامی بەردەواما."
بۆزان خەلیل ئاماژەش پانەیش کەرد کە گەل جە گرڏوو نەتەوە و توێژەکانە جە وەرکەتوو دلێڕاسەینە مژیوا و واتش: " بەڵام دۆڵەتێ دەسەڵاتدارێ گەرەکشانە مافو گەلا پاشێل بکەرا. دەستوورو تازەو سووریای تەنیا زوانی، ڕەنگێ و دینێ پێناسە مکەرۆ. جە دژو ئی دەستوورەیە هامپەیمانی کۆمەلایەتی سەرنیشتوو وەرکەوتوو سووریای بییەیش هەن. گرڏو گەلا چی هامپەیمانینە یاگێ گێرانە. ئی دەسوورە کە ماچانە کاتییا، قەد قبوڵکریا نییا.
جەنگ چێوێن ئینا چبەرو گلێرگەیۆ. بانگەوازەکەو ڕابەر ئاپۆی پەی ئاشتی دژو جەنگیا هەنگامێوە تازێنە هیوادارێنمێ گرڏو گەلا وەرکەوتوو دلێڕاسەی خاوەنداری جد بانگەوازەکەو ڕابەر ئاپۆی بکەرا."
