بەمەڵامەتوو هرووژمە ئەرەگیریەکا دۊڵەتو تورکی و چەتەکاشۆ پەی سەرو دەگایەکا گرێ سپی و عەین عیسای، ٦٠ دەگۍ ئا دووە هەرێمەیە بێ کارەبۍ بیێنۍ. بە مەڵامەتوو هرووژمەکاوە کارمەنداو کارەبۍ نمەتاوا بلا پەی ئا دەگایا و گرفتەکا چارەسەر بکەرا.
دۊڵەتو تورکی و چەتەکېش بە مەڵامەتوو شکسەکاشا جە بەنداوو تشرینی و کۆو هەرێمەکا سەرنیشت و ۋەرکۊتوو سووریاینە، وە پەی درێژەدای بە پیلانە پیسەکاشا بە گرڎ جۊرۍ هرووژم مکەرۆ سەرو چېرخانو هەرێمەکەی و هاموڵاتییا مەدەنی شار و دەگایەکا.
جە درێژەو هرووژمەکاشەنە ڕووانە بە چەکی قورس و هرووژمی ئاسمانی هرووژم مکەرۆ سەرو دەگایەکا گرێ سپی و عەین عیسای. جە ئاکامو ئی هرووژمانە زەرەرێوە ماددی فرە ۋەرو کەرتە خزمەتگوزارییەکا ئاوەو واردەیۆ و کارەباو ئا دەگایاشە چنە کۊتەنۆ و تا حەدو جە هەرمانکۊتەی ئا وێستگا زەرەرشا لا یاوان.
ۋەرپەرسا کارەباو عەین عیسای ئاماژەشا پانەی کەرڎەن؛ بە مەڵامەتوو هرووژمەکا حەفتەی ۋېیەردەو دۊڵەتوو تورکیوە زەرەر ۋەرو چن وێستگێوە کارەباو هەرێمەکەی کۊتەن.
ئاماژەیچشا پانەی دا ماوەو ١٠ ڕوان بە تەمامی کارەباو ٦٠ دەگایا گرێ سپی و عەین عیسای بڕیێنە.
ئا دەگۍ کارەباشا بڕیێنە ئینێنۍ:
بەردەوامی هرووژمەکا دەرفەت بە خاسکەردەیۆ وێستگەکا کارەبۍ نمەڎۆ
ئاماژەیچ پانەی کریان بە مەڵامەتوو بەردەوامی هرووژمەکاوە پەی سەرو ئا دەگایا و هەرێما، کارمەندا کارەبۍ هەرێمەکەی نمەتاوا بلا پەی خاسکەردەیۆ ئا وێستگا کە زەرەرشا لا یاوان.
