دۊسیەو کتېبخانەو ئومېڎی، ئا دۊسیەنە، کە جە لایەنو چن سەروازێۋە ترکی 'عەلی کایا، ئۊزجان ئیلدەنیز، وەیسەڵ ئاتەش 'یۋە بە بۊمبە ھجومشا کەرڎ سەرش، قەرارو بۍ تاوانېشا پۍ بەرکریا، بەڵام پارێزەرا دۊسیەکەشا بەرد پۍ داڎگاو دەستووری.
سەروازۍ ترکی 'عەلی کایا، ئۊزجان ئیلدەنیز و ئیعتراف کەرۍ بەنامۍ وەیسەڵ ئاتەشی جە مەنتېقەو شەمزینان و سەر بە جۊلەمېرگی دماو ئانەی بە بۊمب ھجومشا کەرڎ سەرو کتېبخانەو ئومېڎی، جە لایەنو گەلیۋە گیریۍ. دەزگاو داڎوەری قەرارو بۍ تاوانېش پۍ ھجومکەرەکا بەرکەرڎ، بەڵام پارێزەرا پۍ تانە دای، قەرارو بێتاوانیەکەیشا بەرد پۍ داڎگاو دەستووری.
جە تانەکەنە پۍ داڎگاو دەستووری ئامان؛"دماو ئانەی کە دەسنیشان کریا، کە تاۋانۍ ئەنجام دریان، ئەگەر ئا تاۋانۍ بەبۍ سزا ۋیەرۊ، ئانە ئا قەرارە جە دژوو پەیماننامەو مافو مرۊڤوو ئۊروپای و دەستووریا''.
ھ.ش
