بە پاو سەرچەمە هەرێمییەکا دما نیمەڕۆو ئارۆی نزیک بە ناوچەو چوارتای جە شارباژێرو سەر بە پارێزگاو سلێمانی دۆڵەتو تورکی جە ڕاو درۆنیوە هرووژمش کەرڎەن سەرو ترۆمبێلێوە، جە ئاکاموو هرووژمەکەینە ٣ کەسۍ گیانشا جە دەسدان و ترۆمبێلەکەیچ بەتەمامی سۆتەن.

بە پاو زانیارییە دەسوزیایەکا،یۆ جە گەشمەردەکا خەڵکوو دەگاو چەمەکین سنووروو شارباژێڕینە،یۆتەریچشا زارۆڵێوە نەوەش بییەن وکانۆلاش دەسنە بییەن، سەبارەت بە کەسی یەرەمیچ بۆنەو فرەییسۆتەکەیشۆ نەشناسیانۆ.

هجوومەکە ئینا وەختێوەنە، دەولەتی ئەرەگیروو تورکی هیزی بە فڕۆکەی بێفڕۆکەوان بۆردومانوو سەیاریوە تەری مەدەنییش نزیکوو خەلەکانوو سلێمانیینە کەرد و "موزەفەر حسێن" و دووە زارۆڵەکێش بەنامەکاو محەمەد موزەفەر ١٨ ساڵ و موبین موزەفەر ١٤ ساڵ"ی گەشمەردێ بیێ.

پی گەشمەرداوە ژمارەو گەشمەردە مەدەنییەکاو ئێساڵی بۆنەو بۆردومانەکاو دەولەتی ئەرەگیروو تورکیوە پانیشتوو کوردسانینە بیێ بە ٢٣ گەشمەردێ و ١٧ بریندارێ.