دەوروبەرو منبجینە ٥ چەتێ کوشیێ، ٣ ترۆمبێلێ سەروازیێ دلێنەبریێ
جە پانیشتوو وەرکەوتوو شارو منبجینە ٥ چەتێ ئەرەگیرۍ تورکیای کوشیێ، ٣ ترۆمبێلێ سەروازیێ دلێنەبریێ.
بە دیمەن
مییانو ئەرەیاوناو هێزەکا سوریای دیموکراتیکی قەسەدەی ئەرەیاوناش، کە جە شەوەی ویەردێوە تا سەرسەعبو ئارۆی بەینو هێزەکا ئەنجومەنو سەروازی منبجی و چەتەکا سوپاو تورکی ئەرەگیرینە جە پانیستوو وەرکەوتوو شارو منبجینە جەنگی دژوار ڕوەشدا.
ئەنجامەنە ٥ چەتێ کوشیێ، ٣ ترۆمبێلێ سەروازیێ دلێنەبریێ و ژمارێوە چەک و جبەخانێچ دەسشا سەرەرە گیریا.
مییانەکە ئەرەیاوناش، "هێزەکێما مافو وەرگری رەوایشا بەکارئارد و وەربەرچو هرووژمەکاشا داوە، راستەوخۆ سەنگەرەکۍ مییانو چەتەکا چا هەرێمانە کریێ ئامانج.
جە بەرەو سردەو قەرەقۆزاقیچەنە سوپاو تورکی ئەرەگیری دەوروبەرو سردەکێ و فرۆکەخانەو سرینیش بە چەکی قورس بۆمبواران کەرد، جە ئەنجامەنە زەرەری ماددیش ونەکەوتۆ.
هەرێمو زرگانینە، فرۆکێوە بێفرۆکەوان سوپاو تورکی ئەرەگیری بنکێوە هێزەکا ئاسایشو دلینەیش کەرد ئامانج، جە ئەنجامەنە ئەندامێوە هێزەکا ئاسایشی و ئەندامێوە هێزەکا دیسپلینو سەروازی گەشمەرڏێ بیێ و ٤ ئەندامێ تەرێ هێزەکا ئاسایشو دلێینەی زامڏارێ بیی".
