دەوڵەتوو تورکی ئەرەگیری دهۆکەنە بارەگایۍ تازەش کەردۆ
ئەرەیاۋییا کە دەوڵەتوو تورکی ئەرەگیری جە پارێزگاو دهۆکی جە پانیشتوو کوردسانی بارەگایۍ تازەی سەروازیش کەردەنۆ.
بەپاو هەواڵێوە رۆژنیوزی کە پەشتیش بە سەرچەمېوە سەروازی عێراقی بەستەن، دەوڵەتوو تورکی جە پارێزگاو دهۆکینە بارەگایۍ تازەی سەروازیش کەردەنۆ.
سەرچەمە سەروازیەکە، کە گەرەکش نەبیەن نامێش ئاشکرا کریۆ، ئەرەیاۋنانش، دەوڵەتوو تورکی جە مەنتیقە جیاجیاکاو کوردسانینە بەردەواما جە هجومە ئاسمانییەکاش.
هەمان سەرچەمە ئەرەیاۋناش کە دەوڵەتوو تورکی بە قووڵایی ٩٠ کیلۆمەترا ئامان دلۍ خاکوو عێراقی.
دەوڵەتوو تورکی تەنیا جە هەرێموو کوردسانینە بە تایبەتی بە هامکاری پەدەکەی زیاتەر جە ١٠٠ بارەگا سەروازیێش وەشۍ کەردێنۍ.
حکومەتوو عێراقی جە ۋەران ۋەر و بارەگاکاو دەوڵەتوو تورکینە هەڵوێسێوە بەقوەت مەگێرۊنە ۋەر.
