دەوڵەتوو ئێرانی زینڎانیێوە سیاسیی کوردیش دا قەنارە
زینڎانیی سیاسیی کوردی "محێدین ئیبراهیمی" لاو دەوڵەتوو ئێرانیوە، جە زینڎانوو ورمێنە دریا قەنارە.
ناوەندوو مافەکاو مرۊڤوو ئێرانی وەڵاش کەرڎۊ، کە زینڎانیێوە سیاسی بە نامۍ "محێدین ئیبراهیمی" جە زینڎانوو ورمێ-نە، سەرسەعبوو ئارۊی دریان قەنارە.
شەوەی ویەرڎۍ،"ئیبراهیمی" فاڕیابۍ پەی ژووری تاکەکەسی.
ئەرەیاونیا، کە شەوەی ویەرڎۍ بنەیانەو "ئیبراهیمی" وەرڎەموو زینڎانەکەینە کوۍ بیێبێنۍ، داواو مرڎنای سزاو قەنارەدای زینڎانییەکەیشا کەرڎێبۍ.
س.ز
