دەوڵەتوو ئەرەگیروو تورکی بەردەواما جە سیاسەتەکاو فاڕای دیمۆگرافی ئا مەنتیقا کە ئەرەگیرێش کەردێنۍ.

بەپاو ئا زانیارییا کە جە سەرچەمە هەرێمییەکاوە یاوێنۍ، دەوڵەتوو ئەرەگیروو تورکی جە مانگەو شوباتوو ئێساڵینە زیاتەر جە ٣ هەزار پەنابەرا سووریایش جە تورکیاوە ئاردێنۍ پۍ مەنتیقەو ئەرەگیرکریاو گیرێ سپی و چا ئەرەنیشتێش کەردێنۍ.

سەرچەمە هەرێمییەکۍ ئەرەیاۋنانشا کە دەوڵەتوو تورکی بەشێوە چا ئاواراشە ڕادەسوو چەتەکا "پۆلیسی سەروازی" کەردێنۍ هەتا جە یانەو کۆچبەرەکانە ئەرەنیشتێشا کەرا.

بەپاو هەمان سەرچەمەی ئاماژه پانەیچ دریان که ئا ئاوارۍ کە جە تورکیاوە دیپۆرتوو گرێ سپی کریێنۍ، خەڵکوو حما، حەڵەب، دەگایەکا دیمەشقی، دێرەزوری و مەنتیقەکا تەروو سوریاینۍ.

دەوڵەتوو تورکیای جە سەرەتاو مانگەو نیسانوو ٢٠٢٢ێوەوە تا ئیسە زیاڎ جە ٣٥ هەزار پەنابەرێش ڕوانەو گرێ سپی کەردێنۍ.