ئەنجوومەنو ژەنا گەشمەرڎە ئاسیا یوکسەلەو دویسبورگی جە چوارچێوەو هەڵمەتەو "پەی ڕابەر ئاپۆی ئازادی، پەی کێشەو کوردی چارەسەری" ۋەردەمو وێستگەو قیتارو دویسبورگینە مېزەشا نیارە.

مېزەکۍ سەعات١٢:٠٠ نریارە و تا سەعات ١٦:٠٠ بەردەوامیش بۍ. سەرو مېزەکێوە وەڵا کریاوۍ پېوەس بە پیلانگێڵنی مېیاننەتەوەیی ١٥و شوباتی، ئازادیی ڕابەر ئاپۆی و کتێبەکاو ڕابەر ئاپۆی بەخشیێوە.

بە نامۍ ئەنجوومەنو ژەنا گەشمەرڎە ئاسیا یوکسەلێوە قسۍ کریاو وچیا: "پېسە گەلوو کوردی بە پڕۆسەو جەنگێوە سەختیرە موېیەرمۍ. هێزە پیلانگێڵنە مېیاننەتەوەییەکۍ جە دژو گەلوو کوردی و دەسکەوتەکاش کۆنسێپتو هرووژمیشا دەسپنەکەرد. زیاتەر ئی کۆنسێپتە سەرو ڕابەر ئاپۆیۆ ڕاوەبەر کریا. گۆشەگیری سەرو رابەر ئاپۆی، نەک تەنیا جە ئیمراڵینە، جە تەمامو کوردەسانینە ملۊڕاوە. ڕابەر ئاپۆ جە سەرانسەرو جەهانینە پېسە ڕابەرۍ سیاسی میلیۆنان کوردا موینیۆ. جە ساڵۊو ١٩٩٩ینە بە ئۆپراسیۆنێوە هەواڵگیری مېیاننەتەوەیی بڕفانیا و رادەسو تورکیای کریا. چا کاتۆ ئینا زینانەنە و عەیامېوەن پەیوەندی ئاڎیی چنی جبەری پڕچیان. جە ئیمراڵینە ڕووبەڕوو ئەشکەنجەی دڕندانەی بیەنۆ. ۋەرو ئانەی چارەسەرییەکۍ ڕابەر ئاپۆی مېیاننەتەوەیێنۍ، کێشەو کوردی بی بە کێشەی مېیاننەتەوەیی. چوارچێوەو چارەسەری سیاسی کە ڕابەر ئاپۆ پەی چارەسەری پرسو کوردی وستەنش ڕووە، متاوۆ دمایی بە جەنگی و زوڵمی سەڎ ساڵەی جە تورکیا و وڵاتە هامسایانە بارۆ".

مېزەکۍ بە بانگەوازو بەشداربیەی جە ڕاپیمای و گلېرۆبیەو ستراسبۆرگی کە جە ١٥و شوباتی ساڵیاڎو پیلانگێڵنی مېیاننەتەوەیی ئەنجام مڎریۆ، دمایش ئاما.