جە ڤییەنا، ئینسبروک و سالزبۆرگەنە، دەیان هەزار کەسۍ سەرەڕاو ئاژەو کەشوهەوای پۍ "وەرگریکەردەی جە دیموکراسی" جە دژوو ڕاستڕەوەکا مجیێرە سەروو جاڎەکا. حەرپاسە نوێنەراو دەم-کوردی بە ئاڵاو یەپەگە و یەپەژەیۆ بەشدارۍ ۋێنیشانداکەی بێنۍ.
بەقسۍ ڕێکوزیایا ئا وڵاتیە، ٨٠ هەزار کەسۍ ۋەروودەم و پەرلەمانینە جە ڤییەناو پایتەختوو نەمساینە، دژوو ڕاسڕەوە توندڕەوەکا ۋێنیشاندایشا کەرد. حەرپاسە جە شاروو ئینسبروکی و سالزبۆرگینە چالاکیی شەرمەزاریشا بەرد ڕاوە.
ۋێنیشانداکەی جە تەرەفوو (دەنگی سیاوی)، ئاینڎە پۍ هەینیەکا، ئەنجومەنوو گلێرگەو کوردی، فەیومی و پلاتفۆرموو سیاسەتی مرۆیی پەنابەرا ڕێکوزیابۍ. بێجگە جە ڕێکوزیا کۆمەڵایەتییە ناحکومییەکا کە ئینۍ بێنۍ 'ئۆگەبە، ئاک، و Caristas، حەرپاسە SPO و Kesk' بەشداریشا جە ۋێنیشانداکەینە کەرد. دلۍ بەشدارانە جیا جە پێکئاما ئاینیەکا، نوێنەروو بوارەکا ڕۆشنۋیری و هونەریچ بەشداریشا کەردەبۍ.
میرەل نگۆسۆ جە ڕێکوزیاو دەنگی سیاوی جە نەمسا ئەرەیاۋناش کە ئینە خاڵێکوە فرە گرنگەنە جە تاریخەنە و داواو ئەنجامێوە ڕۊشنیش جە تەرەفوو حکومەتی فیدراڵی و شارەکەی کەرد.
حەرپاسە مەجلیسوو هەرێمی SPO ماچۆ: "بڕێما وەڵتەر جانتاکێما کوۍ کەردێنۍ ویر چانەیە کەرمېوە کە پۍ کام وڵاتی بڕەممۍ".
حەرپاسە لەیلا کریشباومە، واتەواچەو ڕێکوزیاو ئاینڎەی پۍ هەینیەکا واتش:" گەل پێویسا دژایەتی ئا جمیەرە دژە دیموکراسییا کەرا کە فاڕیای کەشوهەوای ڕەڎکەراوە".
حەرپاسە نوێنەراو دەم-کوردی بە ئاڵاو یەپەگە و یەپەژەیۆ ڕەنگەشا بە ۋێنیشانداکەی زیاڎ کەرد.
