ئارۆ بە ئاماڎە بییەی جەمۍ جە ڕۆشنۋیرا و شالیارو ڕۆشنویری (حەمەو حەمەسەعیڎ)ی و ڕاوەبەرو ڕۆشنویری هەڵەبجەی ( سەرخێڵ غەفار)، زوانشناسا و نوویسەراو هۊرامانو پانیشتی و وەرکەوتوو کوردەسانی، دیڎارو (یۆۋستەی پیتە تایبەتەکاو زوانی هۆرامی) لوا ڕاوە.

دەسپێکو دیڎارەکەی جە لایەنو سەرۆکو ڕێکوزیاو ژیۋایۆ (کاروان حەسەن)ی گەشتو پڕۆژەو (یۆۋستەی پیتە تایبەتەکاو زوانی هۆرامی) وزیا ڕووە.

دماتەر پانێڵۍ سەرو (پیتە تایبەتەکا جە زوانی هۆرامی)ینە، جە لایەنو ئێژایا(م. جەمال بێدار، هادی ڕەحمانی، د. عیرفان مستەفا)یۆ پێشکەش کریا.

جە دمادمایی دیڎارەکەینە بڕیاری دمایی جە بارەو یۆۋستەی پیتە تایبەتەکاو زوانی هۆرامیۆ دریا و جە ئایندێوە نزیکەنە کریۆ بە کیبۆرد.