ناوه‌ندوو ئەرەیاونای و چاپه‌مه‌نیی هه‌په‌گەی‌، ئەرەیاوناێوەش ‌باره‌و چالاكییه‌كاو گه‌ریلای و هجوومه‌كاو سوپاو توركی ئەرەگیریوە وەڵا کەردۆ.

ده‌قوو ئەرەیاونیاکەی پێسەنە:

هه‌رێموو سه‌رحه‌دینە:

١٢ حوزەیرانی سەعات ١٠:٣٠ دەیەقۍ جە‌ مەیدانوو دەگاو كاشنی مەنتێقەو ئه‌به‌خوو سه‌ر به‌ وانی دژوو ئەرەگیرا، کە ده‌سشا به‌ ئۆپه‌راسیۆنی كەرڎەبۍ، به‌ سابۆتاژ سەیارێوە سه‌روازیی ئامارۆك كریاه ئامانج. چا چالاكییه‌نە كه‌ به‌سه‌ركه‌وتانه‌ کریا، دووۍ ئەرەگیرۍ سزا دریۍ و یۆیچ بریندار بی.

هه‌رێمی مه‌تیناینە

١٠ ته‌مووزی سەعات ١٣:١٣ دەیەقۍ جە‌ مەیدانوو کەشوو کۆردینه‌، بە چەکی قورس یاگێوە ئەرەگیرا كریا ئامانج. جە ئەنجامنە یاگەشاریێوەکێشا‌ دلێنەبریا و ٣ ئەرەگیرۍ سزا دریۍ و ئەرەگیرێوەیچ به‌سه‌ختی بریندار بی. ئەرەگیرۍ سەعات ١٤:٤٠ بە هه‌لیکۆپتەر كوشیێکێشا مەیدانه‌كه‌ فاڕێوە‌. ئی چالاکییە پەی سڵامکەرڎەی بۍ جە ساڵیاڎوو مدرامانوو ڕۆو مەرڎەی گه‌وه‌ره‌ی کە ١٤ تەمووزی کریا.

هجوومەکاو سوپاو توركی ئەرەگیری بە بۆمبی قەدەغەکریا

١٠ تەمووز بەینوو سەعات ١٨:٢٠ پەی ١٩:٣٥ جە مەیدانوو مدرامانوو کەشوو ئێف ئێم-ینە جە هه‌رێموو گەشمەرڎە ده‌لیلوو وەرنیشتوو زاپینە، سه‌نگه‌ره‌كێما ٣ جارۍ بە بۆمبی قەدەغەکریا بۆردومانۍ کریۍ.

هجوومەکاو سوپاو توركی ئەرەگیری

١٠ تەمووزی سەعات ١٠:٢٠ دەیەقۍ مەیدانوو کەشوو زەنگلوو گاره‌ی، جارۍ به‌ فڕۆکەی جەنگی بۆردومانۍ کریۍ.

١٠ ته‌مووزی سەعات ١٠:٣٠ دەیەقۍ  مەیدانێوە بەینوو دەگاو شێخی و دەگاو چەمرۆبۆتکوو سەر بە گارەی، سەیارێوە مەدەنیی خەڵکوو مەنتێقەکەی به‌ فڕۆکەی جەنگی بۆردومان کریا. بۆمبەکە وەروو سەیارەکەی نەکەوتەن، وەلی زەمینەکە ئاویرش گێرتەن و هەڵای نەکوشیانۆ.  

١٠ تەمووز، بەینوو سەعات ٢١:٣٠ پەی ٢٣:٠٠ مەتینانە، هەلیکۆپتەرە هجوومبەرەکۍ ٧ جارۍ مەیدانوو مدرامانوو کەشوو هەکارییشا بۆردومان کەرد.

١٠ تەمووز، مەیدانوو مدرامانوو سیدای زاپنە، مەیدانه‌كاو مدرامانوو کەشوو وەهاری، کەشوو جودی و کەشوو ئامێدی جە هه‌رێموو گەشمەرڎە ده‌لیلوو وەرنیشتوو زاپی، ٧٥ جارۍ بە كاتیۆشا، تانک و چەکی قورس بۆردومانۍ کریۍ.

سوپاو توركی ئەرەگیری ڕۆو ١٠ تەمووزی مەیدانوو مدرامانوو سیدای جە زاپ و کەشوو ئێف ئێم-ینە جه‌ هه‌رێموو گەشمەرڎە ده‌لیلوو وەرنیشتوو زاپینە، هجوومش کەرد سەروو سه‌نگه‌ره‌كامان و هه‌وڵێش دۍ به‌ حه‌فاره‌ تونێله‌كان وڕنۆ.

س.ز